بەم چلەی هاوینە بەرمیلێک نەوت بە 220 هەزار دینارە

دیلان محەمەدجەزا – سلێمانی

چلەی هاوینە کەچی بە قەد چلەی زستان، نەوت خۆی گران کردووە و لە بازاڕی ئازاد خەڵکی زەنگین و هەژار دەستیان کردووە بە کڕینی، یەک بەرمیل نەوت ئێستا بە 220 هەزار دینارە و بە 15 بۆ 20 هەزار دیناریش دەیگەیەننەوە بە ماڵەکان.

بەختیار فرۆشیاری نەوتە لە بازاڕ ئەو دەڵێ، ئەم گرانییەی نرخی نەوت خەتای خەڵکە، چونکە لە ئێستاوە ئەیکڕن بۆ زستان و زۆری خواست لەسەری وای کردووە نرخەکەشی گران ببێ.

ئەوەی رۆژانە بە مەمرە و مەژی ژیان بکات، هەرچی کردووە بەرمیلێک نەوت دەکڕێ، ئەوەشی خواپێداوە لە چوار هەتا شەش بەرمیل نەوت دەکرێ، بە دەردەی ئەو فرۆشیارە وتی، خەڵک هەمووی دەڵێ، لە قەزا و قەدەردا دەژین، ناچار ئەحتیادی خۆمان ئەخەین.

پێداچوونەوە: ئەحمەد مستەفا