دهۆک؛ کرێکارێک کەوتە ناو ئاسانسۆر و گیانی لەدەستدا

شڤان عەبدوڵا – دهۆک

بێوار عەبدول عەزیز وتەبێژى بەرگرى شارستانى دهۆک بە 964ـى وت،”کاتژمێر 11ـى پێشنیوەڕۆى ئەمڕۆ، کرێکارەکى تەمەن 28 ساڵ کەوتووەتە ناو ئەسانسۆرێک و گیانى لەدەستداوە”.

لەبارەى چۆنییەتى رووداوەکە، وتى،”جارێ لە لێکۆڵینەوەداین، بەڵام کاتێک گەیشتنینە سەر رووداوەکە، کرێکارەکە لە نێوان ئەسانسۆرەکە و دیوارەکە گیرى خواردبوو و گیانى لەدەستدابوو”.

کرێکارەکە دانیشتووى دهۆکە و لە ئەسانسۆرى باڵەخانەیەکى بازرگانیدا، گیانى لەدەستداوە و تەرمەکەى گواستراوەتەوە بۆ پزیشکى دادى دهۆک.

پێداچوونەوە: وریا فەتاح