زیانی زۆری بە زەوییە کشتوکاڵییەکان گەیاندووە
لە نزیک قامیشلۆ ئاگرێکی گەورە کەوتووەتەوە
964+
ئۆفیسی 964 لە قامیشلۆ
لە دەورووبەری قامیشلۆ ئاگرێکی گەورە لە زەوییە کشتوکاڵییەکانی جوتیاران کەوتووەتەوە و زیانێکی زۆری گەیاندووە.
رووداوەکە ئەمڕۆ بووە و بەپێی زانیارییەکانی 964 ئاگرەکە لە چەند شوێنێکی ناوچەی هیمۆ لە رۆژئاوای قامیشلۆ، دەوروبەری فڕۆکەخانەی قامیشلو، گوندی سیحەی گەورە لە دەڤەری ترپەسپی کەوتووەتەوە، دواتر پەڕێوەتەوە بۆ سەر رێگای نێوان سەرێکانی و تەل تەمەر و تا ئێستاش نەکوژێنراوەتەوە.
تیمەکانی ئاگرکوژێنەوە و دانیشتووانی ناوچەکە لە هەوڵی کۆنتڕۆڵکردنی ئاگرەکەدان، بەڵام فراوانبوونی ئاگرەکە و رەشەبا کوژاندنەوەی زەحمەت کردووە، تا ئێستاش زیانەکانی بەوردی نەزانراوە.
پێداچوونەوە؛ شۆڕش قادری