ترەمپ بۆ ئێران: تاران بەشداری مۆندیاڵی ئەمساڵ دەکات

شانیا بێستون

دۆناڵد ترەمپ سەرۆکی ئەمریکا لە کۆشکی سپی، پاش واژۆکردنی چەند فەرمانێکی نوێ، چەند پەیامێکی ئاڕاستەی تاران کرد و گرنگترینیان بەشداریکردنی ئێران بوو لە مۆندیاڵی ئەمساڵ.

هەروەک جاران، ترەمپ هێرش و قسە توندەکانی ئاڕاستەی تاران کرد، ئەو وتی، “واشنتن براوەی جەنگەکەیە و تاران بەشێکی زۆری لە هێزی دەریایی، سەربازیی و ئاسمانی لەدەستداوە، هەر بۆیە دەیەوێت رێککەوتمان لەگەڵ بکات”.

ئەمانە پوختەی نوێترین قسەکانی دۆناڵد ترەمپە لە نێوکۆشکی سپییەوە:

-واشنتن براوەی جەنگەکەیە

-رێگە بە بەشدارکردنی ئێران دەدەین لە مۆندیاڵی ئەمساڵ

-رێگەنادەین تاران ببێتە خاوەن چەکی ئەتۆم

-ئەو پاسەوانانەی پاریزگاری لە من دەکەن زۆر بەهیزن دەتوانن کارەکەیان ببرێتە هۆلیود و بکرێتە فیلمێک

-توانای کارگەکانی ئێران ٪90 کەمیکردووە بەراورد بە رۆژانی پێش جەنگ

-پەیام و خەڵاتی دەستخۆشیم بۆ دێت بۆ راگرتنی جەنگەکان و بەرقەرارکردنی ئاشتی

-لە جەنگی ئێران هەریەک ئیتاڵیا و ئیسپانیا پشتیوانی واشتنتۆنیان نەکرد، پێوستمان بە هاوکاری ئەوانیش نەبووە

-چیمان بەسەر ڤەنزوێلا هێنا، ئێران رووبەری هەمان بارودۆخ دەبێتەوە

-سەرکردەکانی ئێرانمان لەناوبرد، نازانم لە ئێستادا کێ حکومڕانی وڵاتەکە دەکات

-دیموکراتەکان بەردەوام دژی بڕیارەکانم دەوەستن، هەرچیمان بوێت پێچەوانەکەی

دەڵێن، بۆئەوەی رەخنەی لێبگرن، بەڵام لە کۆتایدا ئامانجەکەی خۆمان جێبەجێ دەکەین