لە کێلێ 20 سانتیم بەفر باریوە؛ بارانبارینیش بەردەوام دەبێت

شۆڕش قادری

شەوی رابردوو لە چەند شوێنێکی کوردستان بەفر باریوە، ئەمڕۆ و سبەینێش بارانبارین بەردەوام دەبێت بۆیە جارێ بەتەمای دەرکەوتنی خۆر مەبن.

بەڕێوەبەرایەتی گشتی کەشناسی و بوومەلەرزەزانی هەرێم چەند وێنەیەکی داناوە و نووسیویەتی، لە 24 كاتژمێری رابردوودا لە مەرزی كێلێ/ پشدەر 20 سانتیم و لە باسنێ / شارباژێڕ 5 سانتیم بەفر باریوە.

بەپێی پێشبینییەکانی کەشناسی هەرێم، ئەمڕۆ شەممە 28.3.2026 نمە باران و بارانی مامناوەند لە زۆربەی ناوچەکان بەردەوام دەبێت، لە ناوچەکانی باکوور و باکووری رۆژهەڵاتی هەرێم رێژەی دابارین زیاتر دەبێت.

بۆ سبەی یەکشەممەش کەشەکە هەروا باراناوی دەمێنێتەوە، بەڵام پلەی گەرما دوو بۆ سێ بەرزدەبێتەوە و لەبەربەیانیشدا ئەگەر دروستبووی تەم هەیە لە هەندێک لە ناوچەکانی باکووری پارێزگای هەولێر و پارێزگای سلێمانیش.

بەرزترین پلەکانی گەرمای پێشبینیکراو بەپلەی سیلیزی بۆ ئەمرۆ:

هەولێر: 13 پلەی سیلیزی

پیرمام: 9 پلەی سیلیزی

سۆران: 10 پلەی سیلیزی

حاجی ئۆمەران: 3 پلەی سیلیزی

سلێمانی: 10 پلەی سیلیزی

چەمچەماڵ: 11 پلەی سیلیزی

دهۆک: 13 پلەی سیلیزی

زاخۆ: 12 پلەی سیلیزی

هەڵەبجە: 12 پلەی سیلیزی

گەرمیان: 17 پلەی سیلیزی