لە پارشێوەوە چیى روویدا؟
ترەمپ نەورۆز و “13 بەدەر”ی لە ئێرانییەکان تاڵ کرد
964+
وریا فەتاح
بە کوژرانى عەلى خامنەیى، ئێران 13 بە دەر و نەورۆزى لە ئێرانییەکان تاڵکرد، بەرپرسانى ئێرانیش هەڕەشە دەکەن، ترەمپیش دەڵێت: دانیشن بەدەردى خۆتانەوە.
لە پارشێوەوە چى روویدا:
کاتژمێر 4:30ـى ئەم بەیانییە، تاران بە فەرمی کوژرانی عەلی خامنەیی، رێبەری باڵای کۆماری ئیسلامی و چوار لە گەورە فەرماندە سەربازییەکانی وڵاتەکەی راگەیاند.
لیستی کوژراوە باڵاکان:
جگە لە رێبەری باڵا، ئەمانە کوژراون:
عەبدولڕەحیم موسەوی: سەرۆکی ئەرکانی گشتیی هێزە چەکدارەکان.
محەمەد پاکپور: فەرماندەی گشتیی سوپای پاسداران.
عەلی شەمخانی: سکرتێری ئەنجومەنی بەرگری.
عەزیز نەسیرزادە: وەزیری بەرگری.
دۆخی ناوخۆی ئێران:
حکومەتی ئێران 40 رۆژ ماتەمینی و هەفتەیەک پشووی راگەیاند، بەمەش جەژنی نەورۆز، رەمەزان و سێزدەبەدەر لە هاوڵاتییان تاڵ بوو. لە شەقامەکانیشدا دوو ئاراستە دەبینرێت؛ بەشێک لە خەڵک دڵخۆشن و بەشێکی تریش خەمبار و کۆستکەوتوو.
هەڕەشەی تۆڵە و کاردانەوەکان:
عەلی لاریجانی: “جەرگتان دەسوتێنین، بەم نزیکانە ئەنجومەنی سەرکردایەتیی کاتی بۆ هەڵبژاردنی ڕێبەری نوێ پێکدەهێندرێت.”
محەمەد باقر قالیباف: “خۆمان بۆ هەموو ئەگەرێک ئامادە کردووە و وەڵاممان دەبێت.”
دۆناڵد ترەمپ: لە “تروس سۆشیاڵ”ەوە هەڕەشەی توند دەکات و دەڵێت: “جووڵە بکەن کارێکتان پێ دەکەم با بە دەواری شڕی نەکردبێت.”
عێراق ماتەمینی راگەیاند:
حکومەتی عێراق سێ ڕۆژ ماتەمینی گشتی لە سەرانسەری وڵات راگەیاند و سەرەخۆشی خۆی ئاراستەی تاران کرد، هاوکات هۆشداری دا لەوەی ناوچەکە بەرەو ئاستێکی مەترسیداری توندوتیژی دەڕوات.
