مەزڵوم عەبدى: پاراستنی ناوچەکانمان هێڵی سوورە

964+

وریا فەتاح

ناوەندی راگەیاندنی هێزەکانى سوریاى دیموکرات، ئەم لێدوانانەی مەزڵوم عەبدی بڵاوکردووەتەوە کە بۆ ئاژانسی هاوار قسەی کردووە:

_ستایشی خۆڕاگریی هاووڵاتییان و شەڕڤانان دەکەین بەرامبەر ئەو هێرشە ناڕەوایانەی کە مەبەست لێیان کوشتاری کوردانە.

_هێرشەکان بۆ سەر زیندانەکان و کەمپی هۆڵ گەیشتوونەتە ئاستێکی یەکجار مەترسیدار.

_لە دوێنێ شەوەوە هەوڵێکی توند لە ئارادایە بۆ ئەوەی کەمپی هۆڵ بە زەبری چەک کۆنترۆڵ بکرێت.

_بەهۆی بەکارهێنانی تانک و زرێپۆش لە هێرشەکاندا، پاسەوانانی کەمپی هۆڵ ناچار بوون پاشەکشە بکەن.

_بۆردومان و هێرشە چڕەکانی حکومەتی دیمەشق بۆ سەر حەسەکە و کۆبانێ بەردەوامییان هەیە.

_دیمەشق سەرجەم پێشنیارەکانی ئاگربەستی رەتکردووەتەوە کە لە ماوەی دوو هەفتەی رابردوودا پێشکەش کرابوون.

_ئێستا هێزەکانمان لە ناوچە کوردنشینەکان جێگیر بوون؛ پاراستنی ئەم ناوچانە هێڵی سوورە و بە هەموو هێزێکمان بەرگرییان لێ دەکەین.

_پێویستە هاوپەیمانی نێودەوڵەتی بێتە سەر خەت و بەرپرسیارێتی پاراستنی زیندانیانی دا*ع.ش بگرێتە ئەستۆ.

_داوا لە حکومەتی سوریا دەکەین کۆتایی بە هێرشەکان بهێنێت و پەنا بۆ دیالۆگ ببات.

قەسەد دەڵێت ؛ ئەم تویتە هی مەزڵوم عەبدی نییە