کوڕەکەی پلانەکانی جێبەجێ دەکات
دوو ساڵ بەسەر بۆردومانی ماڵەکەی پێشڕەو دزەیی تێپەڕی
964+
توانا نەقی
دوو ساڵ بەسەر رووداوەکەی ماڵی پێشڕەو دزەیی تێپەڕی کە لە 15.1.2024 بە چەندین موشەک لەلایەن وڵاتی ئێرانەوە کرانە ئامانج و پێشڕەو و ژینای کچی و هاوڕێیەکی بوون بە قوربانی و گیانیان لەدەستدا.
عەبدوڵا مەجید ئاغا دزەیی برای پێشڕەو دزەیی سەرمایەدار بە 964ـی وت، “شەهید بوونی پێشڕەو و ژینای کچی بەو شێوەیە پەڵەیەکی رەشە بۆ دوژمنانی کورد و کارەساتەکە بۆ خەڵکی هەولێر و کوردستان گەورەبوو”.
ئاماژەی بەوەشکرد، پێشڕەو تەنیا سەرمایەدارێکی نیشتیمانی بوو، ئامانج و کارەکانی بۆ جوانکردنی هەولێر و پێشخستنی کوردستان بوو لە رووی ئاوەدانی و وەبەرهێنانەوە.
باسی ئەوەش دەکات دواتر و دوای لێکۆڵینەوە و کاردانەوەکان وڵاتی ئێران لە ئەوەین وتووە کە هەڵە روویداوە بەڵام ئەوان دەوڵەتن و تەنازولناکەن.
سەبارەت بە ئیش و کارەکان و بەردەوامی پرۆژەکانی پێشڕەو دزەیی عەبدوڵای برای ئاماژەی بەوەکرد، هەموو کارەکان بەباشی دەڕوات و رۆژی کوڕی کە لەو هێرشەدا بریندار بوو سەرجەمیان رایی دەکات و پرۆژی نیشتەجێبوونی ئیمپایەریش هەر لە گەوروبووندایە و بەشی زۆری تەواو کراوە.
