15ـەمین پێشانگای نێودەوڵەتی کتێب لە هەولێرە

فەرمان سادق

دوای سێ ساڵ ئەنجام نەدانی، 15ـەمین پێشانگای نێودەوڵەتی هەولێر بۆ کتێب دەکرێتەوە.

سبەی چوارشەممە 8.3.2023، 15ـەمین پێشانگای نێودەوڵەتی هەولێر بۆ کتێب دەکرێتەوە و ماوەی 10 رۆژ دەخایەنێت.

لە پێشانگاکەی ئەمساڵ، 350 خانەی چاپ لە 18 وڵاتی عەرەبی و بیانی بەشدارن.

بۆ ئەمساڵ، تۆڕی هەواڵی 964 وەک هاوبەشێکی میدیاییە و لەناو پێشانگایەکەدا دەیان چاوپێکەوتن و بابەتی میدیایی ئامادە و بڵاو دەکاتەوە.

دوایین پێشانگای کتێب لە هەولێر، ساڵی 2019 بەڕێوەچوو، دوای ئەوەش بەهۆی پەتای کۆرۆناوە چالاکییەکان وەستان.

لە پێشانگایەکەدا چەندین بۆنەی رۆشنبیری و کۆنسێرت و ئێوارەی شیعر بەڕێوەدەچن، جگە لەمەش لەهەر رۆژێکی پێشانگاکەدا نۆ سیمینار ئەنجامدەدرێن.

پێشانگای نێودەوڵەتی کتێب، پێشانگایەکی ساڵانەیە و دەزگای مەدا ساڵانە ئەنجامی دەدات.