نرخی نەوت کەمێکی دیکە دابەزی

شۆڕش قادری

دوای ئەوەی لە دەستپێکی ساڵی تازەدا نرخی نەوت رووی لە دابەزین کرد، ئەمڕۆش کەمێکی دیکەی لێبووەوە و هەر بەرمیلێک لەخوار 61 دۆلارەوە مامەڵەی پێوە دەکرێت.

ئەمڕۆ دووشەممە 5.1.2026 و لەکاتی کردنەوەی بازاڕی جیهانی نەوت، نرخی یەک بەرمیل نەوتی خاوی برێنت بە بە 60 دۆلار و 51 سەنت دیاری کراوە و نرخەکەی 0.40٪ دابەزیوە.

هاوکات نرخی بەرمیلێک نەوتی خاوی تێکساس بە 57 دۆلار و 0.4 سەنت مامەڵەی پێوە دەکرێت و ئەویش 0.49٪ دابەزیوە.

نرخی نەوت زیانی ساڵانەی نزیکەی 20% تۆمار کرد لە ساڵی 2025، وەبەرهێنەرانیش چاوەڕێی پێشهاتەکانی هاوسەنگی خواست و دابینکردنی جیهانی دەکەن لە ساڵی تازەدا.