فۆتۆ ستۆری
ئیدارەی سۆران ساردترین شەوی زستانی بەڕێکرد
964+
ئاکام غەفوور – سۆران
ئیدارەی سۆران ساردترین شەوی زستانی بەڕێکرد و دنیاش یەک پارچە شەختەیە، بە هیج جۆرێک کەڵکی ئەوەی نییە تاوەکو سەری کۆڵانەکەشت بێیتە دەرەوە.
بەفرەکە لەسەر رێگا و ناو شارەکان ماوە هەرچی رێگا و شەقام و کۆڵان هەیە بووە بە سەهۆڵبەندان و ناتوانیت هاتوچۆ بەسەردا بکەیت، هەر لە سپیلکەوە تاکو حاجی ئۆمەران رێگاکەی مەترسیدارە، رێگای بالیسان و زینی وەرتێش هەر داخراون و هاتوچۆی نێوان سۆران و راپەڕین نیە، سۆران بۆ سیدەکان و رواندز و مێرگەسۆریش هەر بەم شێوەیەن.
کاروان میراودەلی، بەڕێوەبەری بەرگری شارستانی سۆران بە 964ـی وت، بە گشتی هەموو شوێنەکان بەستویەتی و داوا لە هاوڵاتیان دەکەین هیچ نەبێت تاکو کاتژمێر 11:00ـەی پێشنیوەڕۆ لە ماڵەکانیان بمێننەوە.
دەشڵێت، جگە لەوەش کە بەدرەکە مەترسی دروست کردووە مەترسی هاتنەخواروەی بەردیش هەیە لە رێگاکانی دەرەوەی شار.
پێداچوونەوە: توانا نەقی
