رێگای مەرزی حاجی ئۆمەران کراوەتەوە – وێنە؛ دەروازەی نێودەوڵەتی حاجی ئۆمەران
دوێنێ داخرابوو
رێگای مەرزی حاجی ئۆمەران کراوەتەوە؛ هاتوچۆ ئاساییە
964+
شۆڕش قادری
رێگای دەروازەی نێودەوڵەتی حاجی ئۆمەران لە نێوان هەرێم و ئێراندا کراوەتەوە و هاتوچۆ تیایدا ئاساییە.
هاتوچۆی گەشتیاری لەودیوی دەروازەی حاجی ئۆمەرانیش وەستا
دوێنێ بەهۆی بەفربارینی زۆر، رێگای مەرزی حاجی ئۆمەران لە دیوی ئێرانەوە داخرا، ئەمڕۆ سیروان حسێن وتەبێژی مەرزەکە بە 964ـی وت، “هەر لە بەیانییەوە دەستیانکردووە بە پاککردنەوە رێگاکە و هاتوچۆی گەشتیاری و بازرگانی تیایدا ئاسایی بووەتەوە”.
هەر بەهۆی بەفرەکەی رۆژی رابردوو رێگای چەند مەرزێکی دیکەی نێوان هەرێم و رۆژهەڵاتی کوردستان داخران لەوانەش مەرزی کێلێ کە تاوەکو ئێستاش نەکراوەتەوە.
دەروازەی نێودەوڵەتی حاجی ئۆمەران لە 25 کیلۆمەتری قەزای چۆمان و 11 کیلۆمەتری شاری پیرانشار لە رۆژهەڵاتی کوردستان هەڵکەوتووە و بە یەکێک لە دەروازە بازرگانییە سەرەکییەکانی نێوان هەرێمی کوردستان و ئێران لەقەڵەم دەدرێت
هاتوچۆی کۆڵبەر جەنجاڵی زۆری لەناو مەرزی حاجی ئۆمەران دروست کردووە
