"بنەماکەیم لە سەلاحەدین دەمیرتاش وەرگرتووە"
هەڤاڵ ئەبوبەکر دیزانێکی نوێی بۆ جلە کوردییەکانی کردووە
964+
دیلان محەمەدجەزا – سلێمانی
پارێزگارە قۆز و شیکپۆشەکەی سلێمانی دیزانێکی نوێی بۆ جلەکانی کردووە و وەک خۆی دەڵێت، هەر چوار پارچەی کوردستانی تێکەڵ کردووە.
یەکەمین دیداری کوردناسی لە زانکۆی ئەمریکی سلێمانی بەڕێوەدەچێت و ئەمڕۆ هەڤاڵ ئەبوبەکر بە جلێکی قاوەیی کوردی کەشخەوە لە دیدارەکە دەکەوت، پەیامنێری 964 چووە بەردەمی و لەسەر جلەکانی دواندی، ئەو وتی، “بنەمای ئەم جلانەم لە سەلاحەدین دەمیرتاش وەرگرتووە، بەڵام کەلتوری رۆژهەڵات و باکور و رۆژئاو و باشوری کوردستانمان تێکەڵاو کردووە”.
هەرچەندە هەڤاڵ ئەبوبەکر لە زۆربەی بۆنە و مەراسیمەکاندا بە جلی کوردییەوە دەردەکەوێ، بەڵام خۆی دەڵێت، تەنیا سێ بۆ چوار قاتی کوردی هەیە و دوبارەیان دەکاتەوە.
هەڤاڵ ئەبوبەکر باسی گرنگی دیدارەکەشی کرد و وتی، “لە رابردوو و لە ئێستاشدا غەدرێکی گەورەمان لێکراوە، بەڵام بە هەوڵدانی شێلگیرانە و بە بایەخدان بە کەلتور و زمان و فەرهەنگ و هونەر دەتوانین بگەینەوە شوێنی شایستەی خۆمان و قەرەبووی ئەو قۆناغانە بکەینەوە”.
پێداچوونەوە؛ شۆڕش قادری
هەڤاڵ ئەبوبەکر: من پاسەوانی خەڵکم نەک خەڵک پاسەوانم بێت
