نزیكەی 200 ملیار دینار بۆ پڕۆژەی ئاوی خەبات تەرخانکرا

ئەحمەد مستەفا

بۆ دەستپێكردنی پڕۆژەیەكی تر، وەک پارێزگای هەولێر دەڵێ، ستراتیژیی بۆ چارەسەركردنی گرفتی ئاوی دەڤەرەكە، حکومەتی ھەرێمی کوردستان، ڕەزامەندنی ا بە دابینكردنی گوژمەی  195 ملیار و 145 ملیۆن دینار.

ئەوەش، بۆ جێبەجێكردنی پڕۆژەی ” ئاوی قەزایی خەبات” لە سنووری پارێزگای هەولێر.

پارێزگای هەولێر لە راگەیەندراوێکدا دەڵێ، بڕیارە لەو نزیكانە دەستبكرێت بەگرتنبەری رێکارەكان و تەواوکردنى کاروبارەکان بۆ جێبەجێكردنی پڕۆژەكە.

باس لەوەشکراوە، چارەسەركردنی گرفتی كەمئاوی لە تەواوی سنووری پارێزگای هەولێر بەردەوامە، كە بە هۆیانەوە توانراوە قۆناغی زۆرباش ببڕن و گرفت و كێشەكان چارەسەربكرێن.

لەوانەش ئەنجامدانی گەورەپڕۆژەی فریاگوزاریی خێرای گەیاندنی ئاوی خواردنەوەی هەولێر و پڕۆژەی ئاوی قوشتەپە، كە لە ئێستا قۆناغی زۆر باشیان لە جێبەجدێكردنیاندا بڕیوە و بە تەواوبوونی هەردوو پڕۆژەش لە كۆتایی ئەمساڵدا گرفتی لەمێژینەی دەیان ساڵەی کەمئاوی سنووری هەولێر بۆ دەیان ساڵی دیکە چارەسەر دەکات.