75 هەزار پەنجە ماسی
دوو بەنداوی گەرمیان پڕ ماسی کران
964+
میلاد جەلال – گەرمیان
بەیانی ئەمڕۆ سێشەممە، 75 ھەزار پەنجە ماسی خرایە ھەردوو بەنداوی ئاوەسپی و باوەشاسوار لە سنووری قەزای کفری.
خەلدون کەریم بەڕێوەبەری بەنداوی باوەشاسوار لە قەزای کفری بە 964ـی وت، وەزارەتی کشتوکاڵ و سەرچاوەکانی ئاوی ھەرێمی کوردستان لەگەڵ رێکخراوی ڤیم فاوندەیشن، 75 ھەزار پەنجە ماسیان ھێنایە بەنداوی باوەشاسوار و ئاوەسپی”.
“پەنجە ماسیەکان لە جۆری کاربن، ئەمساڵ ئەمە دوەمجارە پەنجە ماسی دەخرێتە بەنداوی باوەشاسوار، ئەمەش بۆ گرنگیپێدانی سامانی ماسیە لە سنوورەکە”،خەلدون کەریم وای وت.
ئاماژەی بەوەش کرد، 40 ھەزار لەو پەنجە ماسیانە خرایە بەنداوی باوەشاسوار و 35 ھەزاریشی بۆ بەنداوی ئاوەسپی.
پێداچوونەوە: توانا نەقی
