نزیکەی سێ ملیار دیناری تێدەچێت
ماتۆڕسکیل و پاسکیلفرۆشان لە هەولێر دەبنە خاوەن بازاڕێکی هاوچەرخ
964+
توانا نەقی
لەمەودوا هەر کە ویستان پاسکیل یان ماتۆڕسکیل بکڕن بازاڕ و شوێنی تایبەتی خۆی هەیە و بە تێچووی نزیکەی سێ ملیار دینار بازاڕێکی هاوچەرخی پایسکل و ماتۆرسکیل لە هەولێر دروست دەکرێت.
ئەمڕۆ سێشەممە، پارێزگای هەولێر بڵاویکردەوە، بازاڕی ئێستا ماتۆڕ سکیل و پاسکیل ئەنجومەنیان هەیە و پارێزگار و شارەوانێش بەمەبەستی گرنگی دان بە سیمای شار و نەهێڵانی جەنجاڵی بازاڕێکی هاوچەرخیان بۆ دروست دەکەن.
ئاماژە بەوەشکراوە، بازاڕەکە لەسەر رووبەری 10 دۆنم زەوی لەسەر رێگای کۆنی هەولێر – کەرکوک بە تێچووی 2 ملیار و 887 ملیۆن و 574 هەزار دینار دروست دەکرێت.
لە ئێستادا بازاڕەکە دەکەوێتە ناو جەرگەى شارى هەولێر و سیمایەکی ناشیرین و قەرباڵغ و جەنجاڵییەکی زۆری بۆ هاوڵاتیان دروستکردەوە، ئەوە سەرباری بچووکی دوکانەکانیان و تەسکی شەقامەکەیان، کە وای کردووە زۆربەى دوکاندارەکان پاسکیلو ماتۆڕەکان لەسەر شەقام نمایش بکەن بۆ فرۆشتن.
