4 بابهتى تێدا باسكراوه
وهزارهتى پێشمهرگه خولی جەنگی ئەلیکترۆنی کۆتایی پێهێنا
964+
فهرهاد حهسهن
راگەیاندنی وەزارەتی پێشمەرگە دهڵێت، ئەمڕۆ خولی دوو رۆژەی (جەنگی ئەلیکترۆنی) یان لە بەڕێوەبەرایەتی هۆشیاری نیشتمانی، کۆتایی پێهێناوه، کە لە چوارچێوەی پلانی ساڵانەی بەڕێوەبەرایەتیهكهیان و پلانی مەشقی ساڵی 2025 ی وەزارەتی پێشمەرگە جێگیرکرابوو.
له خولهكهدا 15 کارمەندی بەڕێوەبەرایەتی گشتی راگەیاندن و هۆشیاری بهشداریان تێدا كردبوو و لە کۆتایی خولەکەشدا، بڕوانامە بە بەشداربوواندا بەخشرا.
لە ماوەی خولەکەدا، چوار وانەی سەرەکی پێشکەشکران کە بریتی بوون لە جەنگی ئەلیکترۆنی، سایکۆلۆژیای سەربازی، جەنگ لە سەردەمی ژیری دەستکرد و زانستی کۆمپیوتەر.
وانەبێژەکان کە ئەفسەر و کارمەندانی شارەزای بەڕێوەبەرایەتی هۆشیاری نیشتمانی بوون، بە شێوەیەکی زانستی و پیشەیی بابەتەکانیان شیکردەوە و زانیاری پێویستیان بە بەشداربووان بەخشی و بەشداربووان بە پرسیار و تێبینی بەشداری چالاکانەیان لە وانەکاندا کرد، کە وایکرد بابەتەکان روونتر و سوودبەخشتر بن.
وهزارهتى پێشمهرگه سیستمێكی دیجیتاڵى بۆ خزمهتكردنى پێشمهرگهى بریندار دهخاتهكار
وهزارهتى پێشمهرگه بڵاوكردنهوهى وێنه و ڤیدیۆى بارهگا و سهنگهرهكانى قهدهغهكرد
