چاکسازى لە هێزى پێشمەرگەدا بکەن
داوایەک لە کوردستانەوە بۆ هاوپەیمانان: چەک لە هێزە حزبییەکان بسەننەوە
964+
وریا فەتاح
ژمارەیەک چالاکوان و هاوڵاتی لە هەرێمی کوردستان نیگەرانی خۆیان دەربڕیووە لەبارەی بەکارهێنانی ئەو چەک و تەقەمەنییانەى کە هاوپەیمانی نێودەوڵەتی، بۆ شەڕی داعش دابینى کردون و ئێستا لەلایەن هێزە تایبەتە حیزبییەکانی وەک زێرەڤانی و دژە تیرۆر و کۆماندۆ، بۆ یەکلاییکردنەوەی ناکۆکییە سیاسییەکانی ناوخۆ بەکاردەهێندرێن، ئەمەشیان بە پێشێلکردنی ئامانجی سەرەکیی دابینکردنی ئەو چەکانە زانیوە کە بۆ رووبەڕووبوونەوەی تیرۆر و پاراستنی سەقامگیریی هەرێم بوون.
چالاکوانەکان هۆشداری دەدەن لەوەی بەردەوامبوونی ئەم دۆخە دەبێتە هۆی ئەوەی ئەم دامەزراوە سەربازییانە وەک گروپە چەکدارییە ناڕێکخراوەکانی عێراق لێ بێت، کە پابەند نین بە یاسا و دامەزراوە شەرعییەکانەوە.
بەڵگەش بۆ ئەو داوایەیان دەهێننەوە و دەڵێن، لەمیانەی ئۆپەراسیۆنە سەربازییەکانی ئەم دواییانە لەهەردوو پارێزگاکانی هەولێرو سلێمانی ئەو راستییە ئاشکرا بوو کە بەشێک لەم چەک و تەقەمەنیانە لەلایەن هێزە تایبەتەکانی وەکو زێرەڤانی و دژە تیرۆرو کۆماندۆوە کە سەر بە هەردوو حیزبی دەسەڵاتدارن بەکاردەهێنرێن بۆ پاکتاوکردنی حساباتی سیاسیی ناوخۆیی دژ بە خەڵکی هەرێمی کوردستان و پارتە سیاسییەکانی دیکە.
ئەوان پێیانوایە، بوونى ئەم چەکانە مەترسی لای هاوڵاتیان دروست دەکات و بنەماکانی دیموکراسی لاواز دەکات کە هاوپەیمانە نێودەوڵەتییەکان پشتگیریی لێ دەکەن.
داواش لە هاوپەیمانی نێودەوڵەتی دەکەن کە ئەو چەکانە لەم هێزە تایبەتانە بسەننەوە و پاڵپشتیی چاکسازی لە کەرتی سەربازیدا بکەن و هێزی پێشمەرگە یەکبخەن لەژێر سەرکردایەتییەکی نیشتمانیدا، هەروەها لیژنەیەکی بێلایەن بۆ لێکۆڵینەوە لە خراپ بەکارهێنانی چەک و تەقەمەنییەکان پێک بهێنن.
دەقى داواکارییەکە بۆ هاوپەیمانى نێودەوڵەتى:
بۆ فەرماندەیی هێزەکانی هاوپەیمانی نێودەوڵەتی لە عێراق
بەڕێزان،
ئێمە وەکو ژمارەیەک چالاکوان و هاوڵاتی لە هەرێمی کوردستان – عێراقدا، دەمانەوێت سەرنجی بەڕێزتان رابکێشین بۆ مەسەلەیەکی زۆر مەترسیدار کە هەڕەشە لە ئارامی و سەقامگیریی هەرێمی کوردستان-عێراق دەکات. ئەوەش بریتییە لە بەدبەکارهێنانی ئەو چەک و تەقەمەنیانەی دراوە بە هێزەکانی پێشمەرگە لە چوارچێوەی پشتیوانیی هاوپەیمانیی نیودەوڵەتی دژی رێکخراوی تێرۆریستی داعش لەلایەن هێز و گرووپی دیکەوە.
لەمیانەی ئۆپەراسیۆنە سەربازییەکانی ئەم دواییانە لەهەردوو پارێزگاکانی هەولێرو سلێمانی ئەو راستییە ئاشکرا بوو کە بەشێک لەم چەک و تەقەمەنیانە لەلایەن هیزە تایبەتەکانی وەکو زێرەڤانی و دژە تیرۆرو کۆماندۆوە کە سەر بە هەردوو حیزبی دەسەڵاتدارن بەکاردەهێنرێن بۆ پاکتاوکردنی حساباتی سیاسیی ناوخۆیی دژ بە خەڵکی هەرێمی کوردستان و پارتە سیاسییەکانی دیکە. ئەمەش خۆی لەخۆیدا لادانێکی مەترسیدارە لەو ئامانجە سەرەکییەی ئەو چەک وتەقەمەنیانەی پێ بەخشراوە کە ئەویش روبەڕوبونەوەی تیرۆر و سەقامگیریی هەرێمی کوردستان و ناوچەکەیە.
بەردەوامبوونی ئەم دۆخەو بەمجۆرەی ئێستای هەڕەشەیەکی جدییە کە ئەم دامەزراوە سەربازییە تایبەتانە وەکو هاوچەشنەکانیانی لێ بێت لە عێراقدا کە پابەند نین بە دامەزراوە شەرعیەکان و سەروەری یاساوە، ئەمەش بێ گومان ترس و دڵەڕاوکێ لەنێو هاوڵاتیاندا دروست دەکات و بەها باڵاکانی دێمۆکراسی تەسکتر دەکاتەوە کە لەمێژەوە هاوپەیمانە نێودەوڵەتیەکانمان بانگەوازی بۆ دەکەن.
لەبەر ئەو خاڵانەی لەسەرەوە ئاماژەمان پێداون داواکارین لە هێزەکانی هاوپەیمانی نێودەوڵەتی لە عێراق:
· هەوڵ بدەن ئەم چەکانە لەم هێزە تایبەتانە بسەندنەوە، لەبەرئەوەی لە پاکتاوکردنی کێشە ناوخۆییەکان بەکاری دەهێنن، کە ئەمەش پێچەوانەی ئەو ئامانجە سەرەکیانەیە کە پێیان بەخشراوە.
· پاڵپشتیی چاکسازیی کەرتی سەربازی بکەن، هەوڵ بۆ یەکخستنی هێزەکانی پێشمەرگە بدەن لەژێر یەک سەرکردایەتیی پیشەیی و نیشتیمانیدا دوور لە دەستێوەردانی حیزبی. هەروەها واز لە پڕ چەککردنی ئەم هێزە تایبەتانە بهێنن.
· لیژنەیەکی لیکۆڵینەوەی بێ لایەن دابمەزرێنن بۆ کنەکردن و چاودێریکردنی بەدبەکارهێنانی ئەم چەک و تەقەمەنیانەی لەلایەن هاوپەیمانی نێودەوڵەتیەوە بەخشراون بە هێزەکانی پێشمەرگە.
ئێمە کاتێک ئەم مەترسی و داواکاریانەتان بۆ بەرز دەکەینەوە، پاڵپشتییە بەردەوامەکانتان بۆ بنبڕکردنی تێرۆر لەهەرێمی کوردستاندا بەرز دەنرخێنین. بێ دەنگیتان لە ئاست ئەم لادانە ترسناکە، سەقامگیریی هەرێم و ئایندەی دێمۆکراسی لە هەرێمدا دەخاتە بەردەم مەترسی گەورەوە.
لەگەڵ رێزو سوپاسی بێ پایانماندا.
ناوەکان:
１- خەبات عەبدوڵا .. نوسەرو رۆژنامەنووس
２- سەفوەت رشيد .. .مافپەروەر
３- د. لەتیف شيخ مستەفا …مافپەروەر
４- مەحمود رەزائەمين .. چالاکی سیاسی و ئەندامی پێشووتری ئەنجومەنی نوێنەرانی عێراق
５- د. پەروین نوری عارف … ئەکادیمی و پسپۆڕ لەمێژووی زارەکی
６- محمەد ساڵح سەليم … مافپەروەر
７- محەمد کەريم محەمد … ئابوریناس و چالاکی مەدەنی
８- نیهاد قازی … چالاک لەبواری مافەکانی مرۆڤدا
９- کاوان فەرەج … چالاکی مەدەنی
１０- د. سالار باسيرە … ئەکاديمي
１１- د. گەشە حەفيد … مافپەروەر
１２- د. رازاو گوڵی … مافپەروەر
１３- تحسين قادر … وەزیری پێشووتر لە حکومەتی هەرێمی کوردستان
１４- نیاز عەبدوڵا … رۆژنامەنووس و داکۆکیکار لە مافەکانی مرۆڤ
１５- شۆڕش ئەمين… چالاکی مەدەنی
１６- پەروا عەلي … چالاکی مەدەنی و ئەندامی پێشووتری پارلەمانی کوردستان
１７- عەبدوڵا کەريم مەحمود … نوسەر و رۆژنامەنوس
１８- ئاسۆ محەمەد شوانی… رۆژنامەنوس و چالاکی مەدەنی
１９- موجاهید محەمەد ئەمين … مامۆستا
２０- بابان جەعفەر … چالاکی مەدەنی
２１- د. کامەران قەرەداخی … دکتۆری پسپۆڕ ومامۆستای زانکۆ
２２- تاریق فاتيح … سەرنوسەری رۆژنامەی هاوڵاتی
２３- عيماد حەميد عەلی … مافپەروەر
２４- کارزان فاضل … مافپەروەر
２５- ئارام جەمال … چالاکی مەدەنی
２６- شوان عەبدوڵا … زیندانی سیاسی لە سەردەمی فەرمانڕەوایی بەعس
２７- نێزيک حاجي … چالاکی مەدەنی
２８- د. شێرکو کرمانج … توێژەرو ئەکادیمی
２９- بابەکر دڕەیی … مافپەروەرو چالاکی سیاسی
３０- شوان محەمد … رۆژنامەنوس
３１- پەیمان عیزەدین … مافپەروەر
３２- ئەبوبەکر هەڵەدنی … پەرلەمانتاری پێشووی پەرلەمانی کوردستان
３３- سەڵاح رەشيد … وەزیری پێشوتری حکومەتی هەرێمی کوردستان
３４- فەتاح زاخۆیی … وەزیری پێشووتری حکومەتی هەرێمی کوردستان
３５- د. سەروەر عەبدولڕەحمان … سەرۆکی رێکخراوی پەی
３６- دانا رەشيد … چالاکی مەدەنی
３７- ستارە عارف … چالاکی مەدەنی
３８- نەوروز عەباس … چالاکی مەدەنی و رۆژنامەنوس
３９- جەمال شێخ جەلال … فەرمانبەری خانەنشين
４０- بەهایدن … هونەرمەندی شێوەکار
４１- وەهاب واحيد … مامۆستا
４２- جيهاد محەمەد ئەمين … چالاکوانی مەدەنی و پسپۆڕی پەروەردە
４３- خاليد رەزا ئەمين … قایمقامی پێشووتری ناوەندی پارێزگای سلێمانی
４４- ئاراس محەمد غەريب … بەڕێوەبەری گشتی خانەنشین
４５- رەهەند رەزا … مافپەروەر
４６- رێبوار حەمە ئەمين … چالاکی مەدەنی
４７- د. کاميل عومەر … مامۆستای زانکۆ
４８- محەمەد نوري …رۆژنامەنوس
４９- فەرەیدون سامان … سەرنوسەری گۆڤاری زمان وزار
５０- نەوزاد عەزيز …نوسەرو توێژەری کۆمەڵایەتی
５１- وریا عەبدوڵا رەسوڵ … توێژەری کۆمەڵایەتی و زیندانی سیاسی
５２- دەوەن مەعروف … شاعیر و پێشمەرگەی دێرین
５３- نەزیرە حارس …چالاکی مەدەنی و پێشمەرگەی دێرین
５４- کەريم ملا رەشيد … نوسەرو وەرگێڕ
５５- ئاسۆ حەيدەري … زیندانی سیاسی و پێشمەرگەی دێرین
５６- ئیسماعيل حەمە ئەمين …نوسەرو رۆماننووس
５７- ئەیاد محەمد عەبدوڵا … زیندانی سیاسی لە سەردەمی فەرمانڕەوایی بەعس
５８- د. شێرکۆ محەمەد ئەمین … ئەندامی پێشوتری پارلەمانی هەرێمی کوردستان
５９- د. سارا موحسین … ئەندامی پارلەمانی هەرێمی کوردستان
６０- شوان داودی … رۆژنامەنوس و ئەندامی پێشوتری ئەنجومەنی نوێنەرانی عێراق
６１- ژوان ئەحمەد … رۆژنامەنوس
６２- سەرگوڵ قەرەداخی … مافپەروەر
６３- سەید ئەحمەد حەمە لاو … رۆماننووس
６４- هیوا سەعيد سەليم … نووسەرو چالاکی سیاسی
هاوکاری هاوپەیمانان گەیشتە پێشمەرگە