لە زبڵ و خاشاک
هەڵمەتێكی پاككردنەوە لە پێنجوێن و سەیدسادق دەستیپێكرد
964+
محەمەد فاتیح
هەڵمەتەكانی پاككردنەوە لە هەرێمی كوردستان بەردەوامن و ئەمجارە هەڵمەتێكی بەرفراوان لە پێنجوێن ئەنجامدرا و جووتسایدی سەراوی سوبحان ئاغاش پاككرایەوە.
بەڕێوەبەرایەتی گشتی شارەوانییەکانی سلێمانی، بڵاویكردەوە، بە بەشداری ژمارەیەکی بەرچاو لە ژینگەپارێزان، هەڵمەتێکی پاککردنەوە و هەڵگرتنەوەی خۆڵ و خاشاکیان لە چەند ناوچەیەکی قەزای پێنجوێن ئەنجامدا.
“هەڵمەتەکە به بەکارهێنانی ژمارەیەک ئامێری تایبەتمەند ئەنجامدراوە و ناوچەکانى (بەرباخ ـ حەسەن ئاوا ـ دووڕیانی نزارەـ قەسابخانەکە و رێگای پێنجوێن – گەرمک) پاککرانەوە”، بەڕێوەبەرایەتى گشتیى شارەوانییەکانى سلێمانى وا دەڵێت.
ئاماژە بەوەشکراوە، ژینگەپارێزان هەڵمەتێکی دیكەی پاککردنەوە و هەڵگرتنەوەی خۆڵ و خاشاکیان لە جووتسایدی سەراوی سوبحان ئاغا کە دەکەوێتە سەیدسادق،ئەنجامدا.
