گەنجێک لە زێى گەورەدا خنکا

وریا فەتاح

کەمێک لەمەوبەر، گەنجێک لە ئاوى زێى گەورە لە نزیک کەمپى دارەشەکران لە قەزاى خەبات خنکا.

گەنجەکە تەمەنى 18 ساڵە و خەڵکى سوریایە

ئەحمەد مەناف گەنجێکى سنوورەکەیە و بە 964ـى وت،”دوو گەنجى خەڵکى سووریا لە نزیک گوندى ئوسومەریان لەسەر زێى گەورە ویستویانە مەلە بکەن، بەڵام بەهۆى نەشارەزاییەوە یەکێکیان خنکاوە”.

وەک ئەوەى باسى دەکات، تەمەنى 18 ساڵە و لە ئێستادا خەڵکى گوندەکە و ئاسایش لە شوێنەکەن و دەیانەوێت تەرمەکەى بدۆزنەوە.

لاى خۆیەوە زاناى غەواس قسەى بۆ 964 کردوو وتى،”لە رووداوەکە ئاگادارکراومەتەوە، بەڵام داوا دەکەم لە خۆبەخشان بەهانایەوە بچن و ئێستا ئاو کەمە دەتوانن بیدۆزنەوە”.

نوێکردنەوە لە کاتژمێر 5:40 خولەک:

بەرگرى شارستانى هەولێر رایگەیاند: ئەمڕۆ کاتژمێر 3:30 خولەک ئاگادارکراوینەتەوە  بەبونی خنکانی ئافرەتێك بەناوی (جوان رياز )تەمەن 17 ساڵ لە زێی گەورە کە خەڵکی رۆژئاوای کوردستان دانيشتوی کەمپی دارە شەکرانە.

وەک باسکراوە لە کاتژمێر 4:45 خولەک،  لەلايەن تيمی ژێرئاوی خەبات تەرمەکەی دۆزرايەوەو رەوانەی پزيشکی دادی کرا.