سێ کەسى دیکەش بریندار بوون
خورماتوو؛ لە رووداوێکى هاتوچۆدا دوو کەس گیانیان لەدەستدا
سیروان خورشید – دوزخورماتوو
لە رێگای گشتیی کەرکوک بۆ سەڵاحەدین، رووداوێکی هاتوچوو روویدا و دوو کەس گیانیان لەدەستدا و سێ کەسی دیکەش برینداربوون.
عەمید موئەیەد عەباس بەڕێوەبەری هاتوچۆ دەرەکییەکانی سەڵاحەدین بە 964ـی ،”جۆری رووداوەکە پێکدادان بووە لەنێوان دوو ئۆتۆمبێلی جۆری کیای بارهەڵگر کە یەکیان لەسەڵاحەدینەوە بەرەو کەرکوک لە رێگا بووە و ئەوەی دیکەش بەپێچەوانەوە”.
ئاشکراشى کرد، هۆکارى رووداوەکە تیژڕۆیى بووە.
وەک باسى دەکات، لە رووداوەکەدا دوو کەس کە یەکێکیان شۆفێر دەستبەجێ گیانیان لەدەستداوە و سێ سەرنشینى دیکەش بەسەختى بریندارن.
“بریندارەکان سەرجەمیان رەوانەی نەخۆشخانە کراون و لێکوڵینەوەش لەروداوەکە دەستیپێکردووە”، عەمید موئەیەد واى وت.
پێداچوونەوە: وریا فەتاح