173 حاڵەتی ئاگركەوتنەوە لە سەرتاسەری هەرێم لە جەژن روویانداوە

محەمەد فاتیح

دوای ئەوەی پارێزگاكانی هەرێمی كوردستان، سەركەوتنی پلانەكانیان بۆ رۆژانی جەژنی قوربانی راگەیاند، بەرگریى شارستانى هەرێم دەڵێت، 173 رووداوى ئاگركەوتنەوە و گیان لەدەستدانی سێ‌ هاوڵاتییش تۆماركردووە.

بەرێوەبەرایەتیى گشتیى بەرگریى شارستانیى هەرێمى كوردستان، ئاماری رووداوەکانى رۆژانی جەژنی قوربانى بڵاوكردەوە و تێیدا هاتووە، گشت تیمەکانی بەرگریی شارستانی لە پارێزگا و ئیدارە سەربەخۆکانی هەرێمی کوردستان، بەپێی پلانی دیاریکراو بۆ رووبەڕووبوونەوەی رووداو و بارودۆخە لەناکاو و نەخوازراوەکان له رۆژانی جەژندا خرابوونە ئامادەباشیەوە، تەواوی کارەکانیشیان بە گوێرەی پلانەکە بەڕێوەچوون.

ئاماری رووداوەکان لە رۆژانی جەژندا:

-رووداوی ئاگرکەوتنەوە: کۆی گشتی 173 رووداو لە سەرتاسەری هەرێمی کوردستان روویداوە.

-رووداوی پوش و پەلاش: لە کۆی رووداوەکانی ئاگر 158 سووتانی پوش و پەڵاش هەیە.

-خنکان: دوو هاوڵاتی بوونەتە قوربانی و خنکاون.

-مردن بە رووداو: یەک رووداوی مردن لە ئیدارەی زاخۆ تۆمار کراوە، کە لە رووداوی ئۆتۆمبێل گیانی لەدەست داوە.

-سووتانی ئۆتۆمبێل و ماتۆرسکیل: هەشت ئۆتۆمبێل و ماتۆرسکیلێک سووتاون