سرى سوڕەیا ئۆندەر
نەخۆشخانە هۆشدارى دەدات
مەترسى لەسەر ژیانى سرى سورەیا ئۆندەر بەردەوامە
964+
وریا فەتاح
ئەو نەخۆشخانەى سرى سوریا ئۆندەرى تێدا خەوێنراوە، هۆشدارى لەسەر ژیانى دەدات و دەڵێت، مەترسى لەسەر ژیانى ئۆندەر بەردەوامە.
سری سورەیا ئۆندەر، جێگری سەرۆكی پەرلەمانی توركیا و پەرلەمانتاری دەم پارتی کە یەکێک بوو لە ئەندامانى شاندى ئیمڕاڵى، رۆژى 15 ئەم مانگە بەهۆى تێکچوونى دۆخى تەندروستى کە بەهۆى جەڵتەى دڵەوە توشى بوو، رەوانەى نەخۆشخانەکرا و نەشتەرگەرى بەپەلەى بۆکرا و دواتر خرایە ژوورى چاودێرى چڕ.
نەخۆشخانەى فلۆرێنس کە ئۆندەرى تێدا خەوێندراوە لە راگەیەنراوێکدا بڵاوى کردووەتەوە، دۆخى تەندروستى ئۆندەر لە دوێنێ باشترە، و تیمەکانیان بەردەوامن لە چارەسەركردنی هەوكردنەكانی، چونکە ئۆندەر مەترسى لەسەر ژیانى زۆرە.
ئۆندەر کە دەموچاوێکى دیارى سیاسەت و پڕۆسەى ئاشتییە لە تورکیا، بەم دواییانە وەک یەکێک لە ئەندامانى باڵاى شاندى ئیمڕاڵى دەرکەوت، نەخۆشکەوتنەکەشى گومانى دروستکردووە.
