964+

شۆڕش قادری

لە گوندی قەشانـی نزیک قەزای ماوەت لە شارباژێر، هاوڵاتییەک 12 سەر بزنە کێوی لێ ون بوون و بەدوایاندا دەگەڕێت.

هەڵمەت قادر خاوەنی ئاژەڵەکان بە 964ـی وت، “پێشتر دوو سەر بزنە کێویم بوو کە هەمیشە بەڕەڵابوون و بەدەوری ماڵ و مەڕوماڵاتەکەی خۆمانەوە بوون، دواتر زاووزێیان کردووە و بوون بە 13 سەر کە زیاتریش بوون و بەشێکیان فەوتاون، چەند رۆژ لەمەوبەر لەناو سروشت شوانێک دەنگیداون، کە پێدەچێت تەقەی لێکردبێتن و ترسابن، لەوکاتەوە بزربوون و دیار نەماون”.

ئاماژەی بەوەش کرد، یەکێک لە بزنە کێوییەکان دۆزراوەتەوە، 12 دانەکەی دیکە تا ئێستا کەس نازانێ لە کوێن و بەدوایاندا دەگەڕێن.

هەڵمەت قادر وتیشی، پۆلیسی دارستان و ژینگەیان لەو بابەتە ئاگادار کردووەتەوە.

سەبارەت بە ماڵیکردنی ئاژەڵە کێوییەکان، هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، “ئاژەڵی کێویی خۆمان ماڵی ناکرێت و زۆربەی ئەو ئاژەڵانە لە دەرەوەی وڵات دەهێنرێنە کوردستان و ماڵیی دەکرێن، ئەگەرنا ماڵیکردنی ئاژەڵە کێوییەکانی کەژوکێوی کوردستان، بەهەموو شێوەیەک قەدەغەیە و رێگەپێدراو نییە”.

پۆلیسی دارستانی سلێمانی بۆ پاراستنی بزنە کێوییەکان شەو و رۆژ ئێشکگرە

چوار کەس دوو بزنە کێوییان راوکرد؛ فریای خواردنیان نەکەوتن و دەستگیر کران

964+

ژووری هەواڵ

نۆرادیۆ لە کۆتا رۆژەکانی مانگی رەمەزانی پیرۆز بەردەوامە و هەرچی هەواڵ و بابەتی سەرنجڕاکێشە بۆی هێناون، هەرلە  بڕیارەکەی 964 و راگرتنی رووماڵی رووداوەکانی کوشتن، کاردانەوەی هاوڵاتیان هەتا بابەتی هونەری و کۆمەڵایەتی.

یەکێک لە تەوەرەکانیان، پەیکەری گوڵەگەنم، شووتى، داربەڕووەکەی سەیدسادقە کە بووەتە رەمزی ناوچەکە، بەڵام توانا دڵی لای گەرمیان و تورەکەی کەلارە.

بابەتێکی 964 لەناو تۆڕە کۆمەڵایەتیەکان زۆر دەنگیدایەوە، ئەویش وتنەوەی گۆرانیەکی نیشتمانی ئەیوب عەلی بوو لەلایەن کۆمەڵێک منداڵەوە، ئەیوب عەلی بە دەستێکی جلی کوردی جوانەوە و سازەکەی دەستیەوە پەیامێکی بۆ منداڵەکان نارد و وتی، لەوپەڕی خۆشحاڵی و شانازییدام بتوانم هەستی نەتەوایەتی بگەیەنم بە منداڵانی کورد.

بینەری گفتوگۆ و باسەکانی چاوان و توانا بن لە نۆرادیۆ.

دەنگوباسی نەورۆزی کوردستان و رووداوە گرنگەکان لە نۆرادیۆی ئەمجارە