گۆشتفرۆشی محەمەد حەسەن لە هەولێر داخرا - وێنە: قایمقامیەتی هەولێر
زیاتر لە 40 کارتۆن گۆشتی خراپبووی هەبوو
گۆشتفرۆشی محەمەد حەسەن لە هەولێر داخرا؛ قایمقام خۆی لەگەڵ لیژنەکان بوو
964+
شۆڕش قادری
لە مانگی رەمەزاندا قایمقامی هەولێر لەگەڵ لیژنەکانی پشکنین و چاودێری بازاڕ دەگەڕێت و ئەمڕۆش گۆشتفرۆشییەکیان داخست، لەبەر ئەوەی زیاتر لە 40 کارتۆن گۆشتی خراپبووی هەبوو.
ئەمڕۆ چوارشەممە 12.3.2025، بە سەرپەرشتی نەبەز عەبدولحەمید قایمقامی قەزای ناوەندی هەولێر، لیژنەی پشکنین و چاودێریکردنی بازاڕ سەردانی چەند دوکان و شوێنی بازرگانیان کرد، بەمەبەستی رێگریكردن لە گرانفرۆشی و ساغکردنەوەی خۆراکی ماوه بەسەرچوو و بێ کوالێتی.
بەپێی راگەیەنراوێکی قایمقامیەتی هەولێر، دوای بەدواداچوون و پشکنین لە چەند کۆگایەک، دەستیانگرتووە بەسەر زیاتر لە 40 کارتۆن گۆشتی خراپبوو و نەشیاو بۆ خواردن لە کۆگای گۆشتفرۆشێک بەناوی محەمەد حەسەن.
ئاماژە بەوەشکراوە، گۆشتفرۆشییەکە داخراوە و خاوەنەکانیشی رووبەڕووی رێکاری یاسایی کراونەتەوە.
لە هەولێر چێشتخانەیەک و کافتریایەک داخران
