شوقەیەک ئاگری گرت

هێڤی دیوالی – دهۆک

نوێکردنەوەی ئەم هەواڵە کاتژمێر 5:15

لە گەڕەکی ماسیکێی دهۆک شووقەیەک سووتا و زیانی گیانی نەبووە وتەبێژی بەرگری شارستانی دهۆکیش دەڵێت لە ئێستادا ئاگرەکە کۆنترۆڵکراوە.

محەمەد دوسکی ، شایەتحاڵی رووداوەکە بە 964ـی وت، گوێمان لە دەنگێکی بەرز بووە و دوکەڵی رەش و ئاگرمان بینی زانیمان کە شوقەیەک ئاگری گرتووە و یەکسەر پەیوەندیمان بە ئاگرکوژێنەوەوە کردووە.

بێوار عەبدولعەزیز وتەبێژی بەرگری شارستانی دهۆک بە 964ـی وت، شوقەیەک لە قاتی یەکەمی باڵەخانەیەک سووتاو ژئچ زیانی گیانی نەبووە و ئاگرەکەیان کۆنترۆڵکردووە.

سەبارەت بە هۆکاری ئاگرەکە دەڵێت، ئاگرەکە بەهۆی شۆرتی کارەباوە بووە و بەر بەرمیلی نەوت کەوتووە و تەقیوەتەوە.

زانیاری پێشتر:

لە یەکێک لە شوقەکانی باڵەخانەیەک ئاگر کەوتووەتەوە و تیمەکانی بەرگری شارستانی سەرقاڵی کۆنترۆڵکردنین.

بێوار عەبدولعەزیز، وتەبێژی بەرگری شارستانی دهۆک بە 964ـی وت، ئاگرەکە لە باڵە خانەیەکی نێشتەجێبوون لەنزیک پارکی دلشاد محەمەد سەعید کەوتووەتەوە و تیمەکانیان سەرقاڵی کۆنترۆڵکردنین.

وتیشی، تەنیا زیانی مادی هەیە و زیانی گیانی نەبووە و هۆکاری ئاگرەکەش تا ئێستا نازانرێت ئایا تەقینی بتڵی غاز بووە یان سۆپای نەوت بووە.

پێداچوونەوە: توانا نەقی