وەبەرهێنەرانی پۆڵەندا دێنە هەرێم و سەرمایەگوزاری دەکەن 

964+

توانا نەقی

گروپی وەبەرهێنەران و خاوەن پڕۆژە و کۆمپانیاکانی ولاتی پۆلەندا هاتنە هەرێمی کوردستان و لە چەندین بواری کشتوکاڵی بەتەمان وەبەرهێنان بکەن هەرچەندە هێشتا لەگەڵ وەزارەت هیچ لێکتێگەشتنێکی فەرمی واژۆ نەکراوە.

ئەوان لە هەرێم سەرمایەگوزاری دەکەن و ئامانجیان وایە کە ئاسایشی خۆراک و بواری کشتوکاڵی لە ناوچەکە بەهێز بکەن.

هیوا عەلی وتەبێژی وەزارەتی کشتوکاڵ و سەرچاوە ئاویەکانی هەرێم بە 964ـی راگەیاند، ئەو کۆمپانیا و وەبەرهێنەرە پۆڵەندیانە هاتوونەتە هەرێم و سەرمایەگوزاری دەکەن و پرۆژەی باشیان دەبێت.

وتیشی، لە بوارەکانی کشتوکاڵ، ئاژەڵداری، پەلەوەری، باخداری، بەهێزکردنی ئاسایشی خۆراک و دروستکردنی بەنداو وەبەرهێنان دەکەن و پرۆژەیان دەبێت.

لەمەودوا بۆ راهێنانی ئەکادیمی و پیشەیی جوتیاران و فەرمانبەرانی وەزارەت دەرفەت دەڕەخسێنن کە سەردانی پۆڵەندا بکەن و خۆیان تەیار بکەن لەو بوارانەداو بێنەوە لە کوردستان ئەو ئەزموونە تاقی بکەنەوە.

وتەبێژی وەزارەت ئاماژەی بەوەشکرد، وەزارەتیان هەموو کارئاسانیەک دەکەن بۆ ئەوەی خاوەن پڕۆژە و کۆمپانیاکانی پۆلەندا وەبەرهێنانی کشتوکاڵی ئەنجامبدەن و سوود لە کەشوهەوای لە باری هەرێمی کوردستان وەربگرن.

تیمێکی هۆڵەندی بۆ کاری کشتوکاڵ بنیاتنانی توانای ناوخۆ دادەڕێژن