964+

دیلان محەمەد – سلێمانی

پاسپۆرتی سلێمانی بڕیارێکی لە بەرژەوەندی هاوڵاتیان دەرکرد، لەمەودوا تەنیا کارتی نیشتمانی لەگەڵ خۆت دەبەیت و دەچیت بۆ مامەڵەی پاسپۆرت، بەڵام وریا بن و کارتە نیشتمانییەکانتان مەخەنە گیرفانی دواوە، چونکە کێشەتان بۆ دروست دەبێت.

عەمید سالار عەبدوڵا بەڕێوەبەری پاسپۆرتی سلێمانی بە 964ـی وت، “ماوەی دوو ڕۆژە کار بە کارتی زانیاری ناکرێت لەکاتی مامەڵەی پاسپۆرتدا و تەنیا کارتی نیشتمانی و کارتی بانکیان پێویستە”.

باسی لەوەشکرد، پێشتر خانمان کارتی زانیاریان هەبوو و گرفتیان بۆ دروست دەبوو، بەڵام لەمەودوا ئەو گرفتەیان نامێنێت و خەڵکی هەر پارێزگایەک بن دەتوانن بێ گرفت مامەڵەی خۆیان بکەن.

سالار عەبدوڵا لەڕێی 964ـەوە داوای کە کوڕان کرد، کارتی نیشتمانییەکانیان نەخەنە گیرفانی دواوەیان، بۆ ئەوەی نەشکێت و درزی تێنەکەوێت، چونکە بەو شێوەیە ئامێرەکەیان نایخوێنێتەوە.

پێداچوونەوە: شۆڕش قادری

964 لەو 964 پاسپۆرتەی سلێمانی دەپێچێتەوە کە هاوڵاتیان تا ئێستا نەیانبردووەتەوە

ئەگەر لە سلێمانی پاسپۆرت وەردەگریتەوە ئەم رێنماییانەت بیرنەچێت

964+

ژووری هەواڵ

ئەحمەد شەرع سەرۆکی قۆناغی راگوزەری سوریا ئیمزای خۆی خستە سەر رەشنووسی راگەیەندراوی دەستووری کە تیایدا دەسەڵاتەکان لەیەکتر جیاکراونەتەوە جەخت لەسەر سەربەستی بیروڕا کراوەتەوە.

بەپێی رەشنووسی دەستووری سوریا، ماوەی راگوزەر لەو وڵاتە پێنج ساڵ دەبێت، ئاینی ئیسلام بنەمای سەرەکی دانانی دەستوور دەبێت، بەڵام تاکە بنەما نابێت، هەرچەندە زۆربەی دەسەڵاتەکان دابەشکراون، بەڵام سەرۆک مافی راگەیاندنی بارەی نائاسایی هەیە.

ئەنجومەنی سوریای دیموکرات باڵی سیاسی هەسەدە رایگەیاند: ئەحمەد شەرع هەمان هەڵەکانی ئەسەد دووبارە دەکاتەوە، ئەم دەستوورە کاتییەی سوریا شەرعی نییەو دژی رێکەوتنەکەی شەرع و هەسەدەیە.

تەلەفزیۆنی سوریا: لیژنەیەکی باڵا پێکهێنراوە بۆ جێبەجێکردنی رێکەوتنەکەی حکومەتی سوریا و هەسەدە، لیژنەکە لە 8 ئەندام پێکهاتوون، چواریان لە حکومەت و چوارەکەی تر لە هەسەدە، ئەم لیژنەیەش چەند لیژنەیەکی سەربازی و ئەمنی و مەدەنی دروست دەکەن بۆ جێبەجێکردنی رێکەوتننامەکە

ئاژانسی رۆیتەرز لەزاری سەرچاوەیەکی وەزارەتی بەرگری تورکیاوە دەڵێت: تورکیا داوای کردووە لە چوارچێوەی رێکەوتنەکە هێزەکانی سوریای دیموکرات هەڵبوەشەتەوە.

هێزە ئەمنییەکانی سوریا لە پارێزگای تەڕتووس تەرمی 9 چەکداری سەر بەوەزارەتی بەرگرییان دۆزیوەتەوە کە دەست و پێیان بەستراوەو گولەباران کراون، حکومەتی سوریا دەڵێت چەکدارانی سەر بە ئەسەد ئەم کارەیان کردووە.

دەم پارتی رایگەیاند: بە فەرمی داوایان پێشکەش کردووە بۆ ئەوەی رەجەب تەیب ئەردۆگان سەرۆک کۆماری تورکیا لەگەڵ وەفدی ئیمرالی کۆببێتەوەو گوڕێکی دیکە بدرێتە پرۆسەی ئاشتی.

وەزارەتی بەرگری تورکیا رایگەیاند لە هێرشەکانیان بەردەوامن بۆ سەر پەکەکە و لەماوەی هەفتەیەکدا 24 گەریلا لەو هێرشانەدا گیانیان بەخشیوە.

حاسڵاتی چەند کاتژمێری کۆتایی رۆژ: ئاکرێ 9 بەسرە 2 حەویجە 2