کارمەندی هاتوچۆیە
نەگەیشتە مەککە؛ عومرەکارێکی خەڵکی شەقڵاوە گیانی لەدەستدا
964+
ئاکام غەفوور – سۆران
دانیشتوویەکی شەقڵاوە، کە پیشەی کارمەندی هاتوچۆیە، ئەمڕۆ هەینی 20.12.2024، لە مەککە گیانی لەدەستدا، کە بۆ عومرە چووبووە وڵاتی سعودییە.
ئەو عومرەکارە، ناوی (مەجید ئەنوەر)ە، تەمەنی 43 ساڵە و خێزاندارە و خاوەنی پێنج منداڵە.
زوبێر باویانی، بەڕێوەبەری ئەوقافی شەقڵاوە بە 964ـی وت،ئەو عومرەکارە هیچ نەخۆشییەکی نەبووە، بەڵکو دوو رۆژە بە رێگای وشکانی سەردانی وڵاتی سعدوییە کردووە بە مەبەستی عومرە، ئەمڕۆ ئێوارە 20.12.2024 لە شاری مەدینە کۆچی دوای کردووە.
ئێوارەی ئەمڕۆ کەسوکاری لە هەواڵەکە ئاگادار کراون، بەڕێوەبەری ئەوقافی شەقڵاوە باسی لەوەشکرد، بڕیار وایە، هەر لە مەدینە تەرمی مەجید ئەنوەر، بە خاک بسپێردرێت و لە قەزای شەقڵاوەش، سبەی شەممە 21.12.2024 پرسەی بۆ دابنرێت.
پێداچوونەوە: ئەحمەد مستەفا
حج و عومرەی کوردستان 18 مەرجی بۆ کۆمپانیاکان دیاریکرد
