964+

میلاد جەلال – گەرمیان

لیژنەی ئەمنی ئیدارەی گەرمیان بڕیاری دەستبەسەرداگرتنی ئۆتۆمبێلە بێ سەرەتاکانی نەداوە، ھاتوچۆی گەرمیانیش دەڵێت، ھیچ نووسراوێکمان بەدەست نەگەیشتووە.

شەوی ڕابردوو، لیژنەی ئەمنی پارێزگای سلێمانی بڕیاری دا دەست  بەسەر ئۆتۆمبێلە بێ سەرەتاکاندا بگیرێت، کە لە ناو ھاوڵاتیان بە شاھینە و مەلیکە ناسراون.

سامان عەلی، وتەبێژی ھاتوچۆی گەرمیان بە 964ى وت، ئەو بڕیارەی شەوی رابردووی لیژنەی ئەمنی پارێزگای سلێمانی، تایبەتە بە پارێزگاکە خۆی، لە گەرمیان ھیچ بڕیارێک بۆ دەستگیرکردنیان نییە.

وتيشى “لیژنەی ئەمنیی ئیدارەی گەرمیان تا نیوەڕۆی ئەمڕۆ سێشەممەش کۆنەبوونەتەوە بۆ بڕیاردان لە بارەی ئەو ئۆتۆمبێلە بێ سەرەتایانە”.

ئاماژەی بەوەش کرد، چاوەڕێی بڕیاری لیژنەی ئەمنیی ئیدارەی گەرمیانن، تا ئەوکاتە ھیچ لێپرسینەوە یان دەستبەسەرداگرتنێک لە سنوورەکە ناکرێت.

ھیچ ئامارێکی فەرمی نییە لەبارەی ژمارەی ئۆتۆمبێلە بێ سەرەتاکان لە سنووری ئیدارەی گەرمیان، بەڵام لە ماوەکانی پێشوودا کۆد دراوە بە نزیکەی 860 ئۆتۆمبێل، لە سنوری بەڕێوەبەرایەتی ھاتوچۆی گەرمیان.

پێداچوونەوە؛ فەرهاد حەسەن

خاوەنی ئۆتۆمبێلە بێ سەرەتاکان گردبوونەوە

نوێنەری سەیارە بێ سەرەتاکان: حەقمان نییە بەسەر ئەوانەی سەرپێچی دەکەن

کرین و فرۆشتن بە ئۆتۆمبێلە بێسەرەتاکان راگیرا

964+

دیلان محەمەد – سلێمانی

ئەرسەلان هەورامی هونەرمەند سوێی کردووە بە دڵی دیلانی پەیامنێردا و دەشڵێت، تەمبەڵ فێری کەباب دروستکردن نابێ و ئەوەی تامی کەبابەکەشم بکا تا ماوە تامەکەی لەبیرناچێتەوە.

باو باوی کردنەوەی خواردنگە و چێشتخانەیە لەلایەن هونەرمەندانەوە، ئیتر هەریەکەیان بە جۆرێک و بەپێی سەلیقەی خۆیان، ئەرسەلان هەورامیش کەبابخانەی لە سلێمانی کردووەتەوە و دەڵێت، زوو فێری سەنعەت دەبم، کەبابەکەم تامی ساڵی هەشتاکانە، ئەگەر نوکی شیشەکە سوربوو ناویشی برژاوە، ماڵی گیرفانی هەژارانە و ئەمەوێ لە کەبابێک 250 خێر بکەم”.

جگە لە کەباب و خواردن و تامەکەی، ئەرسەلان باسی لەوەکرد، هونەر بۆ پارە ناکات و ناچێتە ئەو جێگایانەش مەجلیسی ئەو نەبێت، تەنیا حەز دەکات دڵی بەرامبەرەکەی خؤش بکات.

ئەرسەلان هەورامی بە دەم گۆرانی وتنەوە کەبابێکی بەتامی بۆ دیلان حازر کرد، بەڵام پەیامنێرەکەی ئێمە دەمی ئاوی کرد و هەر زوو دەستی بە خواردنی کرد و وازی لە ڤیدیۆ کردن هێنا تا سارد نەبێتەوە.

پێداچوونەوەی: پەری ساڵح

عیرفانى وەستا محەمەد چێشتخانەکەى دەکاتەوە