وێنەی دەستگیر کراوەکان. فۆتۆ: ئاسایشی هەولێر
خۆیان شاردبووەوە
لە شاری کوت کەسێکیان کوشت و لە هەولێر دەستگیر کران
964+
ژووری هەواڵ
ئاسایشی هەولێر دوو تۆمەتباری لەسەر کوشتنی هاوڵاتییەکی شاری کوت دەستگیر کرد و رایگەیاند، رەوانەی شوێنی تاوان دەکرێنەوە بۆ دادگاییکردن.
ئەمڕۆ هەینی 15.11.2024، ئاسایشی هەولێر رایگەیاند، دوو تۆمەتبار کە هەستابوون بە ئەنجامدانی تاوانێکی کوشتن لە شاری کوت و هەڵاتبوون بۆ هەولێر، دەستگیر کران.
تۆمەتبارەکان لەلایەن دادگای کوت لە عێراق فەرمانی دەستگیر کردنیان هەیە و ویستویانە لە هەولێر خۆیان حەشار بدەن.
ئاسایشی هەولێر تۆمارێکی ڤیدیۆیی ساتی ئەنجامدانی تاوانەکەی بڵاوکردووەتەوە و دەردەکەوێت دوو لەسەر ماتۆرسکیلێک تەقە دەکەن و دواتر هەڵدێن.
