خەریکە مۆڵەتەکە تەواو دەبێت
هێشتا پۆستەری بەربژێرانی هەڵبژاردنی پەرلەمان بە تەواوی لانەبراون
964+
شۆڕش قادری
هەشت رۆژی ماوە بۆ ئەو وادەیەی کە کۆمسیۆن دیاری کردووە بۆ لابردنی پۆستەر و وێنەی بەربژێرانی هەڵبژاردنی پەرلەمان کوردستان بەڵام هێشتا بەشێکیان لەسەر شەقامەکان ماون و بە تەواوی لانەبراون.
لە هەولێر و سلێمانی هێشتا بەشێكی فلێکس و پۆستەرەكان بە شەقام و ستوونەكانەوەن و لانەبراون، ئەوەش لەکاتێکدایە بە بڕیاری كۆمیسیۆنی باڵای سەربەخۆی هەڵبژاردنەکانی عێراق دەبێت، بەربژێرەكان، خۆیان پۆستەرەكان لاببەن.
رۆژی هەینی 20.10.2024 دەنگدانی گشتیی بۆ هەڵبژاردنی خولی شەشەمی پەرلەمانی کوردستان بەڕێوەچوو و دواتر مەروان محەمەد بەڕێوەبەری لقی هەولێری کۆمسیۆنی هەڵبژاردنەکانی عێراق بە 964ـی وت، کاندیدەکان ماوەی یەک مانگ مۆڵەتیان هەیە بۆ ئەوەی پۆستەر و فلێکسەکانیان لەسەر شەقامەکان لاببەن، ئەگەرنا سزا دەدرێن.
"هه‌ركاندیك و لایه‌نێك پۆسته‌ره‌كانى لانه‌بات سزا ده‌درێت"
دەستکرا بە لێکردنەوەى پۆستەر و فلێکسەکانى بانگەشەى هەڵبژاردن
