وەشاندن و چاندنی بامێ لە دەشتی شارەزوور _ وێنە: فەلاح کوڵکنی
یەک دۆنم 30 کیلۆی دەوێ
لە دەشتی شارەزوور وەرزی وەشاندن و چاندنی پاقلەیە
964+
ئەحمەد مستەفا
ژمارەیەک جوتیار، لە دەشتی شارەزوور دەستیان کرد بە چاندنی پاقلە، زەوییەکانیان بارانی پێویستی بەرکەوتووە و دەستیان کردووە بە کێڵاندنی، تا مانگی نیسان و ئایاری ساڵی داهاتوو چاوەڕێی پێگەشتنی دەکەن.
پاقلە لە هەرێمی کوردستان، لەسەرەتای مانگی 11 وە دەستدەكرێت بە چاندنی و چەندین جۆری هەیە، لەوانە سۆمەر، پاقلەی دوو دەنك و چواردنك، جۆری سۆمەرەكەی بازاڕی خێرایە و زوو دەفرۆشرێت.
بڕی تۆو بەپێی، کاتی چاندن، کاتی پێگەیشتن، بڕی بەرھەم دەگۆڕێت بەپێی شوێنی جوگرافی و کەشوھەوا.
فەڵاح کوڵکنی کە یەکێکە لە جوتیارە نموونەییەکانی دەشتی شارەزوور، لە گوندی کوڵکنی قەزای خورماڵ دادەنیشێت، ئەو مەکینە و گاسنی هێناوەتە سەر زەوییەکەی و دەستی بە چاندنی کردووە و دەڵێت، ئەوەی ئەو دەیچێنێت جۆرێکی ئیسپانییە کیلۆی بە دوو هەزار و 500 دینار کڕدراوە.
فەلاح بۆ هەر دۆنمێک لە رووبەری زەوییەکە، 30 کیلۆ پاقلە دەوەشێنێ، بەڵام دیار نییە بڕشتەکەی چەند دەبێت، ئەوە لەکاتێکدا ئەم پاقلە، لە شارەکانی ناوەڕاست و خوارووی عێراق خواستی لەسەرە و بەشێکی لە بازاڕەکانی ناوخۆی هەرێمی کوردستان ساغ دەکرێتەوە.
