لەلایەن ئۆپەراسیۆنە هاوبەشەکانەوە
بە بۆردوومانی فڕۆکە 4 چەکداری رێکخراوی داعش لە سنووری چیای حەمرین کوژران
964+
توانا نەقی
لە ئۆپەراسیۆنێکی دوورۆژەدا لەلایەن فەرماندەیی ئۆپەراسیۆنە هاوبەشکانی عێراق لە سنووری کەرکورک و سەڵاحەدین توانراوە چوار “تیرۆریست” بکوژێرێن.
فەرماندەیی ئۆپەراسیۆنە هاوبەشکەکانی کەرکوک بڵاویکردەوە، ئەمڕۆ شەممە، کاتژمێر 6:30 خولەکی ئێوارە توانیویانە چەند مۆڵگەیەکی تیرۆریستان بکەنە ئامانج لە نزیک چیای حەمرین.
دەشڵێت، هێرشەکان لە رێگەی فڕۆکەی f16ـەوە ئەنجامدراون و بەهۆیانەوە چوار چەکدار کوژراون.
ئاماژەی بەوەشکردووە، هێزەکانیان و دەزگای هەواڵگری بەردەوامن لە لە چاودێری کردنی ناوچەکە و جموجۆڵی تیرۆریستان و بە توندی رووبەڕوویان دەبنەوە و راویان دەنێن.
