وێنەى رووداوێکى هاتوچۆ لە سنوورى سۆران...وێنە: هاتوچۆى سۆران
سنوورى ئیدارەى سۆران
لە کاتژمێرێکدا سێ رووداوى هاتوچۆ روویانداوە
964+
وریا فەتاح
ئەمڕۆ، بۆ سنوورى سۆران رۆژێکى نەهات بوو، لە کاتژمێرێکدا سێ رووداوى هاتوچۆ روویانداوە و بەهۆیەوە چوار کەس بریندار بوون.
بەڕێوەبەرایەتى هاتوچۆى سۆران، لە ماوەى کاتژمێرێکدا لە پەیجەکەى خۆیەوە هەواڵى سێ رووداوى هاتوچۆى بڵاوکردەوە کە تێیدا چوار کەس بریندار بوون.
وەک ئەوەى بڵاوى کردووەتەوە، رووداوى یەکەم پێکدادان بووە لە نێوان دوو ئۆتۆمبێلیی جۆری تۆیۆتا یارس و MGییەک کە لەرێگای سپیلک روویداوەو بەهۆیەوە دوو کەس برینداربوون.
لە سیدەکانیش، نیسان دەبڵێک وەرگەڕاوە و دوو کەس بریندار بوون.
هەر بەپێى بڵاوکراوەکانى هاتوچۆى سۆران، لە رێگاى هامڵتۆنیش رووداوێک لە نێوان نیسان سەنییەک و هۆندا سۆناتایەک روویداوە، بەڵام زیانى گیانى نەبووە.
