لە هەڵەبجە

لە دوو رۆژدا 190 ھەزار کەس سەردانی فێستیڤاڵی ھەناریان کردووە

2024-11-01 | 20:29

964+

ئەمەل ناجی – ھەڵەبجە

رۆژی 31.10.2024 دەیەمین فیستیڤاڵی ھەنار و پایزی ھەڵەبجە دەستیپێکرد و تاوەکو سبەینێ 2.11.2024، کاتژمێر شەشی ئێوارە بەردەوامی دەبێت، تەنیا لە ماوەی دوو رۆژی فیستیڤاڵەکەدا زیاتر لە 180 ھەزار گەشتیار روویان لە فیستیڤاڵەکە کردووە.

ھەورامان جەلال، وتەبێژی گەشتوگوزاری ھەڵەبجە بە 964ـی راگەیاند، تەنیا ئەمڕۆ، کە دووەم رۆژی فیستیڤاڵەکە بوو، زیاتر لە 110 ھەزار گەشتیار روویان لە ھەڵەبجە و بە تایبەتیش فیستیڤاڵی ھەنار کردووە، و یەکەم رۆژیش ژمارەی گەشتیاران بە بەراورد بە ئەمڕۆ کەمتر بوو، لە یەکەم رۆژدا ھەشتا ھەزار گەشتیار سەردانیان کردووە.

پێشتر بەڕێوەبەرایەتیی گەشتوگوزاری ھەڵەبجە رایانگەیاندبوو، پێشبینیی دەکەن بۆ ئەمساڵ نزیکەی 300 ھەزار گەشتیار سەردانی دەیەمین فیستیڤاڵی پایز و ھەناری ھەڵەبجە بکەن.

پێداچوونەوە: هاوبەش