پارچەی درۆنە ئێرانییەکە لە ئۆکرانیا
دوژمنەکەی پەژاک و ئۆکرانیا و ئارامکۆ
درۆنە باڵشکاوەکەی پێنجوێن چییە و کێ خاوەنیەتی؟
964+
ژووری هەواڵ
بەرەبەیانی ئەمڕۆ درۆنێک لە دەشتاییەکانی پێنجوێن کەوتە خوارەوە، قایمقامی شارەکە بە 964 وت هێشتا نازانین لە کوێیوە هاتووە، بەڵام لە ژووری هەواڵ لێی وردبووینەوەو بە پرس و را لەگەڵ کەسانی شارەزا دەرکەوت ئەم درۆنە ئێرانییەو هەمان ئەو جۆرەیە کە روسیا لە شەڕەکەی ئۆکرانیا بە کاری دەهێنا.
درۆنەکە لە کاتژمێر 6:00ی بەرەبەیانی ئەمڕۆ 08.10.2024 کەوتە خوارەوە، ئەوەی تائێستا لەبارەیەوە هەیە تاکە وێنەیەکە کە لەکاتی کەوتنە سەر زەوی تۆمارکراوە.
بە وێنەکەدا دیارە درۆنەکە جۆری (شاهد 131)ە ئەم جۆرە درۆنێکی ئێرانییە، هەم وەکو کامیکازی خۆکوژ بەکاردەهێندرێت و هەم توانای چاودێریکردنی هەیەو مەودای فڕینی زۆرە، ئەوەندەی زانراوە ئێران بۆ چاودێری گەریلاکانی پەژاک بەکاری دەهێنێت.
روسەکان ئەم درۆنەیان لە ئێرانەوە دەست کەوتووەو بۆ شەڕی ئۆکرانیا بەکاری دەهێنن، کاتی خۆی سەرۆکی ئۆکرانیا وێنەی پارچەکانی بڵاوکردەوە، هەروەها هەمان درۆن بۆ هێرشەکانی سەر کۆمپانیای ئارامکۆی سعودی بەکارهێنراوە لە ساڵی 2020.
