دیمهنێكی كۆتهڵى پردی گهڵاڵه وهك یادهوهرییهك بۆ 100 كهسی شههبد كه له ساڵى 1974 لهلایهن فڕۆكه جهنگییهكانى رژێمی پێشووى عێراق پردهكه بۆردومان كراوه .. وێنه: بهڕێوهبهرایهتى شههیدانى سۆران.
بایۆمه‌تریان نه‌كردووه
350 وارسی شه‌هیدان له سۆران مه‌ترسی راگرتنى موچه‌كانیان هه‌یه
964+
فه‌رهاد حه‌سه‌ن
له ئیداره‌ى سه‌ربه‌خۆى سۆران كێشه بۆ موچه‌ى به‌شێك له وارسی شه‌هیدان دروستبووه، به‌ڕێوه‌به‌رى گشتیش ده‌ڵێت، بایۆمه‌تریان نه‌كردووه و مه‌ترسی له‌سه‌ر راگیرانى موچه‌كانیان هه‌یه.
له‌سنوورى ئیداره‌ى سۆران به فه‌رمى نزیكه‌ى هه‌شت هه‌زار كه‌س وه‌كو واریس موچه‌ى شه‌هیدان و ئه‌نفالكراوان وه‌رده‌گرن له ناو ئه‌م ژماره‌یه‌دا 350 وارس كێشه‌ى نه‌كردنى بایۆمه‌تریان هه‌یه.
کەریم کاوە، بەرێوەبەری گشتی شەهیدان و ئەنفالکراوانی سۆران به 964ـى راگەیاند، پڕۆسەی بایۆمەتری بۆ واریسه‌كان بەردەوامە، به‌ڵام هێشتا هه‌موویان بایۆمه‌تریان نه‌كردووه.
وتیشی “پێشتر كێشه‌ى نه‌بوونى بایۆمه‌تریمان له دوو هه‌زار و 500 وارس هه‌بوو، به‌ڵام زیاتر له دوو هه‌زار و 150 وارس بایۆمه‌تریان ئه‌نجامداوه و ئه‌وانه‌ى دیكه‌ش ماون”.
ئاماژه‌ى به‌وه‌شكرد، ئه‌نجامدانى بایۆمه‌تری لەسەر داواکاری حکومەتی فیدراڵییه كه پێویسته كەسوکاری شەهیدان و وارسی شەهید ئه‌نجامى بده‌ن، بۆ ئەوەی کێشە بۆ موچەکەیان دروست نەبێت، چونكه ده‌ڵێت “ئه‌وه‌ى بایۆمه‌ترى نه‌كات موچه‌كه‌ى راده‌گیرێت”.
روونیشیكرده‌وه، بەڕێوەبەرایەتیه‌كه‌یان بە هەموو شێوەیەک كارئاسانی بۆ کەسوکاری شەهیدان کردووە و ته‌نانه‌ت خۆیان به ته‌له‌فۆن په‌یوه‌ندیان پێوه كردوون بۆ ئه‌وه‌ى بێن بایۆمه‌ترییه‌كانیان بكه‌ن.
