لە شارباژێر 60 دۆنم پوش و پاوان و دارستان سووتا

964+

شۆڕش قادری

لە سنوورى ماوەت لە پارێزگای سلێمانی 60 دۆنم پوش و پاوان و دارستان سووتا، هۆکارەکەشی نەزنراوە و بەدواداچوون بۆ دوزینەوەی سەرپێچیکاران دەستی پێکردووە.

هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، “دواى ئەوەى ئاگادار کراونەتەوە لە بوونى ئاگرێکى فراوان لە گوندى (کانى بى)، دەستبەجێ مەفرەزەکانى بەشى پۆلیسى دارستانى ماوەت گەیشتوونەتە شوێنى رووداوەکە و توانیان لە ماوەیەکى کەمدا بە هەماهەنگى ئاگرکوژێنەوەى ماوەت ئاگرەکە کۆنتڕۆڵ بکرێت”.

“60 دۆنم پوش و پاوان و دارى سروشتى و یەک دۆنم رەز و باخ سووتان و ئاگرەکە زیانی گیانی نەبووە”، هێمن کەمەرخان وای وت.

ئاماژەی بەوەشکرد، تا ئێستا هۆکاری ئاگرکەوتنەوەکە نەزانراوە و لێکۆڵینەوە و بەدواداچوون بۆ دۆزینەوەى سەرپێچیکاران بەردەوامە.

هۆكارى ئاگره‌كه‌ى‌ گوندی شێخڕه‌وان له‌ كۆیه‌ ئاشکرا بوو

ئاگر زیاتر لە هەزار دۆنمی دوو گوندی پێنجوێنی سووتاند