جومانە غەلای بۆ 964:
“راگەیاندنی وادەی هەڵمەتی هەڵبژاردن تەنیا مافی ئەنجومەنی كۆمیسیارانە”
964+
ئەرسەلان عەبدوڵا
لێرەولەوێ چەند وادەیەك بۆ دەستپێكردنی هەڵمەتی هەڵبژاردنی خولی شەشەمی پەرلەمانی كوردستان باس دەكرێن، بەڵام وتەبێژی كۆمیسیۆنی باڵای هەڵبژاردنەكانی عێراق رەتیكردەوە هێشتا هیچ وادەیەك بۆ هەڵمەتەكە دیاریی كرابێت.
جومانە غەلای وتەبێژی كۆمیسیۆنی باڵای هەڵبژاردنەكانی عێراق، ئێوارەی ئەمڕۆ پێنجشەممە 12.9.2024 بە تۆڕی 964ی راگەیاند، ئەنجومەنی كۆمیسیاران هێشتا هیچ وادەیەكی بۆ دەستپێكردنی هەڵمەتی هەڵبژاردەی هەرێمی كوردستان دیاریی نەكردووە، ئەو وادانەی باس دەكرێن هیچیان راست نین.
“هێشتا هیچ كاتێك بۆ دەستپێكردنی هەڵمەتی هەڵبژاردنی كوردستان دیاریی نەكراوە”
وتیشی، “داتای كاندیدەكانی هەڵبژاردنەكە، كە ژمارەیان 1192 كاندیدە جارێ لە فەرمانگەی یاسایی و بەشی كاندیدەكان وردبینیی تێدا دەكرێت، دوای تەواوبوونی وردبینییەكان، ناوەكان بۆ ئەنجومەنی كۆمیسیاران بەرز دەكرێتەوە مەبەستی پەسندكردن و دوای ئەوەش كاتی دەستپێكردنی هەڵمەتی هەڵبژاردن دیاریی دەكرێت.
جومانە غەلای ئەوەی بۆ 964 پشتڕاست كردەوە، “راگەیاندنی وادەی دەستپێكردنی هەڵمەتی هەڵبژاردن، تەنیا مافی ئەنجومەنی كۆمیسیارانە”.
بڕیارە 20.10.2024 هەڵبژاردنی خولی شەشەمی پەرلەمانی كوردستان بە سەرپەرشتیی كۆمیسیۆنی باڵای هەڵبژاردنەكانی عێراق بەڕێوەبچێت.
سێ كاندیدی هەڵبژاردنی كوردستان دوورخرانەوە
هەڵبژاردنی کوردستان
قسەی وتەبێژی کۆمسیۆنە
"هەفتەی دابێت وادەی بانگەشە و ناوی کاندیدە پەسەندەکان رادەگەیەندرێ"
هەواڵەكان روون نین
جارێكی دیكە لە نزیك دۆناڵد ترەمپ تەقە كرا
نووسینگەی هەولێری کۆمسیۆن:
لهم ههفتهیه بانگهشه بۆ ههڵبژاردنى پهرلەمانى كوردستان دهستپێدهكات
شارەوانیی دهۆک
رێگە نادرێت شوێنە گشتییەکانی دهۆک پڕوپاگەندەی هەڵبژاردنی تێدا بکرێت
جومانە غەلای وادەڵێت