دیمەنی سەردانی هونەرمەندەکان بۆ مۆنۆمێنتی هەڵەبجە _ وێنە: پارێزگای هەڵەبجە
گوزارشتە لە ئازارەکانی هەڵەبجە
هونەرمەندانی پێنج وڵات فێستیڤاڵی داهاتوویان دەبەنە هەڵەبجە
964+
ئەحمەد مستەفا
گرووپێكی هونەرمەندانی عێراق و وڵاتانی تونس، مەغریب، لوبنان و سوریا سەردانی هەڵەبجەیان کرد، پارێزگاریان بینی و تاجە گوڵینەیان لە مۆنۆمێنت دا، بەڵێنیان دا فیستیڤاڵی داهاتوویان بهێننە هەڵەبجە.
پارێزگای هەڵەبجە ئەمڕۆ دووشەممە 9.9.2024، لە بڵاوکراوەیەکدا دەڵیت، پارێزگاری هەڵەبجە بە ئامادەبوونی جێگر و بەڕێوەبەری گشتیی شەهیدان و بەڕێوەبەری مۆنۆمێنت لە مۆنۆمێنتی هەڵەبجە پێشوازییان كرد لەو ژمارە هونەرمەندە کردووە.
هونەرمەندەکان کە ئەكتەر و نیگارکێش بوون، لە دەستپێكی سەردانەكەیاندا تاجەگوڵینەی رێز و وەفایان لەسەر مەزاری شەهیدان دانا و بەشە جیاوازەكانی مۆنۆمێنتیان بینیوە.
پارێزگاری هەڵەبجە لە راگەیەندراوەکەدا دەڵێت، بەڵێنی ئەوەیان دا كاری هونەری داهاتوویان و فێستیڤاڵی ساڵانەیان بهێننە پارێزگاكە و رەنگدانەوەی ئازار و قوربانیدانی ئەم شارە بێت و لە رۆژنامەی تایبەتی خۆیان، كە تایبەتە بە كونسوڵخانەكان و وڵاتان، كارەساتی كیمیابارانی هەڵەبجە لە ژمارەی داهاتوویاندا بڵاوبكەنەوە.
