مامۆستایه‌كى ئایینى هۆشدارى ده‌دات
خەڵکی هەورامان داواکارن بکوژی کۆڵبەرەکەیان سزا بدرێت
964+
ئه‌مه‌ل ناجى – هه‌ڵه‌بجه
مامۆستایه‌كى ئایینى له هه‌ورامان ده‌ڵێت، دووباره بوونه‌وه‌ى كوشتنى كۆڵبه‌ر له سنووره‌كه‌یاندا هه‌ڵوێست و كاردانه‌وه‌كانیان تووندتر ده‌كات و داواشى كرد بكوژى كۆڵبه‌ره‌كه‌یان سزاى خۆى وه‌ربگرێت.
مامۆستا مەلیک ھەورامی، یه‌كێك له دیارترین مامۆستایانى ئايينى هه‌ورامان به 964ـى وت لەسەر کوژرانی کۆڵبەرەکەیان خه‌ڵكی توڕه‌ویان هێوركردووه‌ته‌وه ده‌نا كێشه‌و گرفتى زیاتر له سنووره‌كه‌یان دروست ده‌بوو.
وتیشی “له‌ماوه‌ى دوو ساڵدا ئه‌وه سێیه‌م حاڵه‌ته له سنووره‌كه‌مان رووده‌دات و له ئه‌گه‌رى دووباره‌بوونه‌وه‌ى هه‌ڵوێست و كاردانه‌وه‌مان تووندتر ده‌بێت”.
پێداچوونه‌وه: فه‌رهاد حه‌سه‌ن
