دیمەنی پارکێک لە قەزاری پیرمام. وێنە: قایمقامیەتی قەزای پیرمام.
لە پیرمام و شەقڵاوە
14 ملیار دینار بۆ چەند پڕۆژەیەکی خزمەتگوزاری تەرخانکراون
964+
میدیا گۆران
بڕی 14 ملیار دینار بۆ چەندین پرۆژەی خزمەتگوزاری لە سنووری پیرمام و شەقڵاوە تەرخانکراوە.
حامد کاکەیی قایمقامی قەزای پیرمام بۆ 964ـی وت، ئەم بڕە پارەیە بۆ پرۆژەی خزمەتگوزارین لە سنووری پیرمام، بەستۆڕە، کۆڕێ، شەقڵاوە و هەریر، خزمەتگوزارییەکان پێکهاتوون لە قیرتاوکردنی رێگاوبانەکان و دروستکردنی ئاوەڕۆ بۆ گەڕەکەکان.
وتیشی، پێشنیارێک هەیە لە پیرمام هەر گەڕەکێک نیمچە پارکێکی بۆ دروستبکرێت.
ئەوەی خستەڕوو کە بڕیارە پارکێک لە لۆفەکانی پیرمام – کۆڕێ دروستبکرێت لەسەر رووبەری 225 دۆنم، تا دانیشتوانی ئەم سنوورە سوودی لێوەربگرن، ئەم شوێنەی پارکەکەی لێدروست دەکرێت لەئێستادا شەش هەزار داری لێیە.
