بەشێک لەو دەرمان و کەلوپەلانەی کە دەستیانبەسەردا گیراوە. فۆتۆ: تەندروستی هەولێر
پابەند نەبوون
شەوی رابردوو لە هەولێر 45 تاقیگە داخراون
964+
ژووری هەواڵ
شەوی رابردوو لیژنەکانی تەندروستی هەولێر هەڵمەتێکی فراوانی گەڕانیان بەناو شاردا ئەنجامداوە و ژمارەیەکی زۆر لە تاقیگەی پزیشکییان دۆزیوەتەوە کە پابەندی رێنماییەکان نەبوون و دایانخستوون.
بەگوێرەی راگەیەندراوی تەندروستی هەولێرە، شەوی رابردوو 45 تاقیگە بەهۆی نەبوونی مۆڵەت و پابەندنەبوون بە رێنماییەکانی وەزارەتی تەندروستی داخراون و پێبژاردنیان بۆکراوە.
لە هەڵمەتی گەڕانەکەدا، لیژنە و تیمەکان دەستیانگرتووە بەسەر بڕێک دەرمانی ماوەبەسەرچوودا، تەندروستی هەولێر وا دەڵێت.
“بەڕێوەبەرایەتی گشتی تەندروستی لەڕێگەی گشت بەشەکان بەدواداچوون بۆ هەموو ئەو شوێنانە دەکات بۆ لەنزیکەوە ئاگاداربوون لە چۆنیەتی کارکردن و پێشکەشکردنی خزمەتگوزاری پزیشکی تەندروستی لە نەخۆشخانە و تاقیگەو گشت سەنتەرەکان”، بەگوێرەی راگەیەندراوەکەی تەندروستی هەولێر.
