سەرنشینێک لە رووداوێکی هاتوچۆدا گیانی لەدەست دا

ئەحمەد مستەفا

لە رووداوێکی هاتووچۆدا، لەسەر رێگەی سەرەکی قەزای دەربەندیخان بۆ قەزای کەلار، کەسێک گیانی لەدەست دا کە سەرنشینی ئۆتۆمبیلێکی تایبەت بووە و دوو کەسی دیکەش بریندارن.

رووداوەکە ئێوارەی ئەمڕۆ 29.6.2024، لە پاش کاتژمێر 6:00 روویداوە.

موقەدەمی هاتوچۆ پشتیوان عابد، بەڕێوەبەری هاتوچۆی دەربەندیخان بە 964ی وت، “روووداوەکە لە نزیک ئاوایی (حاجی حەسەن) روویداوە و ئۆتۆمبێلێکی تایبەت لە جۆری مازدا لەگەڵ بارهەڵگرێکی گواستنەوەی سووتەمەنی بەیەکیاندا داوە”.

بەهۆی رووداوەکەوە، سەرنشینێکی ئۆتۆمبێلە تایبەتەکە گیانی لەدەست دا و دوو کەسیش برینداربوون، بە قسەی بەڕێوەبەری هاتوچۆی دەربەندیخان، “تیمەکانی هاتوچۆ دەستیان بە کەشف و هێڵکاری کردووە و تیمەکانی فریاکەوتنیش تەرمی سەرنشینەکەیان بۆ پزیشکی داد گواستووەتەوە و بریندارەکانیش رەوانەی فریاکەوتنی دەربەندیخان کراون”.

دیمەنەکان کاریگەری و پاشماوەی رووداوەکە دەردەخەن؛

+2