داخستنى هۆڵێکى بلیارد لەلایەن لیژنەکانەوە... وێنە: قایمقامییەتى سلێمانى
سلێمانى
لەسەر بوونى مێردمنداڵ چوار هۆڵى بلیارد داخران
964+
وریا فەتاخ
لیژنە هاوبەشەکانى قایمقامییەتى سلێمانى بەردەوامن لە کارەکانیان، قوفڵیان پێیە و بچنە هەر شوێنێک پێشێلکارى کردبێت، دایدەخەن.
ئەمڕۆسێشەممە 28.5.2024، لیژنەکە دواى بەدواداچوون لەلایەن ئاسایشەوە کە کەسانى خوار 18 ساڵ لە شوێنەکانیاندا هەبوون هەر چوار هۆڵى بلیاردى (گەنجانى ئیسکان لە گه‌ڕه‌كی ئیسكان، حه‌مرین له شه‌قامی كاوه، راسۆن له سابونكه‌ران و میرخان له شه‌قامی گۆران)یان داخست.
بەپێى راگەیەندراوى لیژنەکە، خاوەنى ئەو شوێنانە رووبه‌ڕووی رێكاری یاسایی توند ده‌كرێنه‌وه.
بەپێی رێنماییەکانی کارکردن، نابێت دوكان و ماركێته‌كان جگه‌ره و جگه‌ره‌ی ئه‌لیكترۆنی به مێردمنداڵ بفرۆشن، هه‌روه‌ها هۆڵه‌كانی بلیارد، گازینۆ، كافیتریا و شوێنی نێرگه‌له‌كێشان، باڕ و دوكانه‌كانی فرۆشتنی خواردنه‌وه كحولییه‌كان رێگری لە منداڵی نەوجەوان و ته‌مه‌ن خوار (18) ساڵان بکه‌ن.
قایمقامیەتی سلێمانی دەڵێت، بۆ گەیاندنی سکاڵا و زانیاری بە لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
