دەیەوێت هەڵپەڕکێی لوبنان نیشانی جیهان بدات
کچە چۆپی کێشەکەی لوبنان ترێندی گەرمی سۆشیال میدیایە
964+
پەری ساڵح
مەنوا ئەفەندی، ترێندە گەرمەکەی سۆشیال میدیای عەرەبی، لە 13 ساڵیەوە حەز و خولیای چۆپی و هەڵپەرکێ بووە، بێ ئەوەی هیچ راهێنەرێکی تایبەتی هەبێت، خۆی پێگەیاندووە و ئێستا دامەزرێنەری تیپی هەڵپەرکێی ئەفەندیە کە تەنیا خۆی کچە تاقانەی تیپەکەیەتی.
ئەم کچە چۆپکێشە، ئێستا 26 ساڵ تەمەنیەتی ئامانجیەتی ئەم ستایل و شێوازە هەڵپەرکێیە نیشانی جیهان بدات، تەنیا لە لوبنانەوە بانگێشتی ئاهەنگەکان ناکرێت بەڵکو لە ئیمارات و وڵاتانی دیکەی عەرەبیەوە، لەکاتێکدا لە کەلتوری عەرەبیدا ئەم هەڵپەرکێیە تایبەت بووە بە پیاوان.
مەنوا ئەفەندی ئامانجیەتی چۆپی و هەڵپەرکێی لوبنانی نیشانی جیهان بدات و رێزێکی تایبەتی هەیە لەناو عەرەبەکان، هاوکات بەتەمەن و بەساڵاچووەکان کە دەیبینن سەری ماچ دەکەن.
