شەویش نەخەوتوون
زیانلێکەوتووانى بارانەکەى شەوى رابردوو جەژنیان نەکرد
964+
شۆڕش عەبدوڵا- هەولێر
ئەو خێزانانەى بەهۆى بارانەکەى شەوى رابردوو ئاو چووە ناو ماڵەکانیان، جەژنیان نەکرد و سەرقاڵى خاوێنکردنەوە و دەردانى ئەو پاشماوانەن کە چووەتە ناو ماڵەکانیان.
شەوى رابردوو، بارانێکى بەخوڕ هەولێرى گرتەوە و چەند ماڵێکى گەڕەکى تەیراوا ئاویان تێچوو، بە وتەى ئەو کەسانەى ئاو چووەتە ناو ماڵیان، شەو نەخەوتوون و سەرقاڵى دەردانى ئاو بوون.
چەند هاوڵاتییەکى گەڕەکەکە بۆ 964 قسەیان کردووە و دەڵێن، “فریا نەکەوتوین نانى جەژن ئامادە بکەین، بۆ ئێمە جەژن نیە”.
داڕشتنەوە: وریا فەتاح
