لەناو بازاڕی دهۆک هۆتێلێک گڕی گرتووە

964+

هێڤی دیوالی – دهۆک

کەمێک لەمەوبەر لەناو بازاڕی دهۆک ژوورێکی هۆتێل سلێمانی پاڵاس گڕی گرت و دواتر تیمەکانی ئاگرکوژێنەوە کۆنترۆڵیان کرد.

بەپێی زانیارییە سەرەتاییەکان، رووداوەکە هیچ زیانێکی گیانی نەبووە.

بێوار عیزەت، وتەبێژی بەرگری شارستانی دهۆک بە 964+ی وت، ئاگرەکە کاتژمێر 1:40 خولەکی دوانیوەڕۆ کەوتووەتەوە، کە ئەوان گەیشتوون تەنیا دوو کەس لەو هۆتێلەکە ماونەتەوە، رزگاریان کردوون.

ئەو دوو کەسە تووشی تەنگەنەفەسی بوون و ئێستا بارودۆخیان جێگیرە، بە قسەی بەرگری شارستانی دهۆک.

هاوکات باسی لەوەکرد، کە هۆکاری رووداوەکە شۆرتی کارەبا بووە.