دیمهنێكی كاتى دروستمكردنى عه‌لوه‌كه‌ى ئاكرێ.. وێنه: قایمقامیهتى ئاكرێ
%30 ته‌واوكراوه
ئاكرێ ده‌بێته خاوه‌ن عه‌لوه‌یه‌كی هاوچه‌رخ
964+
فه‌رهاد حه‌سه‌ن
له قه‌زاى ئاكرێ ده‌ست به دروستكردنى عه‌لوه‌یه‌كی هاوچه‌رخ بۆ به‌رووبوومه كشتوكاڵییه‌كان كراوه و قایمقامیش ده‌ڵێت، 30%ـى كاره‌كانى ته‌واوكراوه.
وه‌ك له وێنه‌كان ده‌رده‌كه‌وێت عه‌لوه‌كه‌ى ئاكرێ له رێگه‌ى پارچه‌و ته‌ختى كۆنكرێتى كه به Precast Concrete ناسراوه دروستده‌كرێت.
عه‌لوه‌كه له‌سه‌ر رووبه‌رى زیاتر له 10 دۆنم زه‌وى دروستده‌كرێت و بودجه‌ى ته‌رخانكراویش بۆ دروستكردنى 22 ملیۆن دۆلاره.
دلاوه‌ر بوزو میكائیل، قایمقامی قه‌زاى ئاكرێ به 964ـى وت، ئه‌و عه‌لوه‌یه‌ی ده‌ست به دروستكردنى كراوه له‌چوارچێوه‌ى پڕۆه‌كانى وه‌به‌رهێنانه و شێوازێكی هاوچه‌رخیشی به‌خۆوه گرتووه.
وتیشی “له‌سه‌ر ئاستى عێراق و هه‌رێمی كوردستان به دووه‌م گه‌وره‌ترین عه‌لوه داده‌ندرێت و بۆ به‌رووبومى جوتیارانى سنووره‌كه‌شمان سوودى ده‌بێت”.
